1.
An maeuq rawz di lwg.
Aemq bau bug bae law
Bingq baez bieg ndaw fawz
Bae doeg saw do mbaeuq
脚
Bae ging rox bae haw
Miz baenz lai vae fug
Cam gwx de doeg boex
Mbaeuj miz daeh hij rawz
2.
Gaeu yaek bae doeg saw
Aeu raemx rawz dah nuengh
Byaij dwk faeuz mbiengj mbiengq
Cungj mbaeuj liengq dangj roen
脚
Ndaw hoz miz maz ngaex
Mbaeuj yiu daeh bae haw
Gaeuj dwk yaeuq yaq yawq
Miz yiengh rawz soj siengj
3
Sawq cam mwngz coenz hauj
An mingz hauh gwx maz
Faenh gaeu lwg vunz baz
Cix baez caz ndeu gaeuj
脚
Mwngz yaek bae doeg saw
Cix aen rawz yoz yauq
Yaek bae mwnq rawz doeg
Gongj ndaej ok mbaeuj naz
4
Faenh gwx gaeu hek gvuen
Cingq caen liengz can bwk
Raeuz mbaeuj caengz dox sug
Mwngz cij dwg baeux rawz
脚
Bae loz con saeh naex
Cingq sim saeh mbaeuj muenz
Caez yaeuq naej dox yangz
Ndaej dox cam caemh dwg
5
Daih caez loh gaeh gi
Naeuz mwngz hgi can bwk
Faenh gwx gaeu di lwg
Nuengx go cuk ing dauz
脚
Faenh gwx gaeu siuj maeq
Mbaeuj muenz baex saek ding
Gaeu gangj vah mbaeuj gaw
Mwngz gaej dawz ma yug
6
Mbanj mwngz di di gi
Miz vunz bae rox mbaeuq
Gaeu yam din ok daeuj
Ra baengz yaeux byaij roen
脚
Raeuz dox gangj saez naex
Suenq sim saeh saed ndae
Goeu cam mwngz vunz baz
Caeuq gaeu caz ndaej mbaeuq
7
Gwx mwngz yaeuq naej ndwn
Daengj baex lungz gaeu gaenq
Ndaej ngi gangj yauq haenj
Ngoenz naex caemh yaek bae
脚
Mwnq naex di saeq duenh
Mboeuj aeq luenh miz vunz
Saez naex raeuz dox cam
Rox haeuj ranz ma naengh
8
Baenz de gengq gya ndae
Vaiq ma cae de daeuj
Gwk gaeu yaeuq naej yaeuq
脚
Caengj dox caeuq byaij roen
Caen rox gyaj ge doez
Caengj gaeu raengq gwx mwngz
Goej hawj vunz hoj saeuj
9
Gaeu yaek bae hag hag dangz
Sawq baez cam mwngz boh
Vih baex lungz mbaeuj loh
Yaek siengj rox haeq naz
脚
Dingq ngi vunz di bak
Riuz naeuz hag loz can
Siengj bae song sam bi
Naeuz mwngz ngi saed so
10
Cingq vunz sai gvuen caej
Yaeu dwg daeh mwngz rawz
Gaen vunz bae doeg saw
Mbat laeng fawz ndeu law
脚
Gaej naeuz gwx mwngz gvai
Guh baenz lai faeuz fiq
Yaeuq doeng ngaez sae siengj
Mwngz guh yiengh naex rawz
11
Cingh aeu gaeu cingq ging
Goej yaeu sim lai boh
Cang vunz sai byaij loh
Byawz cix rox ndaej daengz
脚
Gaeu siuj yieng duenq gvaq
Baij daeq naj cinz lingz
Mboeuj lau vaih ndang saen
Gvaq laeng mwngz cij yoj
12
Cingh yaek bae luh haq
Gaeu fuz naj doiq vunz
Dangh naeuz cungj mbaeuj cwn
Mbaeuj suenq mwngz guh lwg
脚
Daih cenz daih mbaeuj lumz
Vunz gangj gwnz gangj laj
Ndui caemh mbaeuj yaeuq gaeuj
Vih doengz naengh daengz ndun
13
Daiq mbaeuj hawj cungj bae
Saez it saez menh vanh
Miz gyauq yienz gaem hanh
Gaeu coengq damj ok bae
脚
Sawq bae baez ndeu gaeuj
Cungj mbaeuj yaeuq vaez gaez
Boh mwngz ngaex mbaeuj cing
Aeu sez sim ma nanq
14
Gaeu raengq mwngz lwg nwq
Gaej cang hux ma ranz
Yaek aeu rox he ndang
Cij mbaeuj gvan gaeu saeh
脚
Dem vunz sai dox gaen
Daih cib faen cing suj
Naeuz mwngz ngi gawq saed
Lau yaeuq yaep cungj nanz
15
Cam mwngz baex liengz can
Daengj gaeu nanz lai laq
Ding lingz yiep buh vaq
Caiq ok dah bae sauz
脚
Daengj buh vaq mbaeuj hawq
Doq sawq mawh ngaiz gyang
Hawj mwngz yaeuq dangj roen
Aiq mboen roenz luh bax
16
Vih nuengx go mwngz raengq
Hawj yaeuq daengj gwx mwngz
Baez yaeuq gaej diemj cung
Guh dwk lwnz caiq mbwq
脚
Faebh gaeu di sim cung
Cauq haeq mbwn rox haemh
Gaeu gaez naeuz mbaeuj daeuj
Lau aiq yaeuh lwg vunz
17
Gyang di mbaeuj yaeuq gaenj
Daj dingh haemh cungj bae
Ing daiz gwx gaeu cae
Hawj mwngz bae gax gonq
脚
Mwngz gaej haeq liengz yung
Miz song vunz dox baengh
Dangq baex lungz caen cik
Gaej dox vit vaez gaez
18
Hawj mwngz yaeuq doek laeng
Vih yaek daengz daih dah
Namz yungz gyang caej daq
Namz yungz gyang caej daq
脚
Yaep doek roengz bae byiengj
Da gaeu liengq mbaeuj raen
Maih baenz yaeuq baenz de
Caiq yaek he buh vaq
19
Daih caez gvaq daih gyang
Daj bingh ndang raeuz mbaeq
Goej sik saen loh daej
Guh yiengh naex cij baenz
脚
Aen mbwn ok ndit ndat
Yied bae rak yied haw
Daiq buh vaq ok bae
Coj cwng vaez gyun caej
20
Dangh mwngz gangj baenz naex
Caemh sik saeh di vunz
Loh daej lai famh mbwn
Dingq gwx mwngz di vah
脚
Dangq yung diq dungz bau
Cungj mbaeuj lau vaq mbaeq
Dangh baenz de rawz gax
Daiq buh vaq cungj rumz
21
Gwx raeuz dox doengz sim
Muengh baiz mingz raeuz yienj
Raeuz daih caez hengz sienq
Coj sez gyienq laux sae
脚
Faenh gwx mwngz can bwk
Saed cib cuk cingq ging
Dwk saez naex daeuj daengz
Seng saen baenz sug mienh
22
Gaeu dem mwngz guh daeh
Cingh hab aeq siz siz
Daih caez yaeuq san bi
Mbaeuj miz di saet ik
脚
Hauh doengh boengh beaux hangz haw
Mbaeuj rox saw naengz gaej
Faenh gwx raeuz gangj goj
Caiw yaek rox faen siz
23
Dwk daengz saez naex luj
Cij riu bux de ngawz
Hawh gyoengq roeg hangz haw
Gij rox saw cix naex
脚
Saez naex gaeu dem mwngz
Senz sungz mbaeuj rox mbwq
Raeuz soj gangj di vah
Cingq gyaq mbaeuj dox gaw
24
Beaux vunz mwngz cingq cuk
Cungj mbaeuj dwg vunz sai
Raeuz baengz yaeux ing daiz
Cam ing gai yaek nginh
脚
Doengh gyoengq roeg hangz haw
Coj cij dawz ma yug
Ok bi naex daeuj liengq
Cungj byienq yiengh hauj lai
25
Faenh raeuz hengz sim cingq
Gaej bae dingq vunz naeuz
Hauh doengh baeux bak haeu
Cij dawz gaeu ma lwnh
脚
Caih vunz gangj hix rawz
Doengh baeux ngawz cix dingq
Mingh baeh saez do niz
Ae cix ij rawz aeu
26
Vunz cingh gangj hauj lai
Naeuz ing daiz lwg mbwk
Faenh gwx gaeu can bwk
Mbaeuj luenh yug gwx mwngz
脚
Baeux vunz mwngz gaez gyauj
Cang menq mauq siuq saiz
Ndaw hag bangz doengz ban
Baeux baeux domz bywd bywd
27
Haemh lwenz fangz hwnz loq
Miz saeh loh ndaw ranz
Saez naex yaeuq yoz dangz
Caiq baeux camz baeux cueg
脚
Vit baengz yaeux mbaeuj caz
Siengj bae ma baez yoj
Gaeu yiu mwngz can bwk
Gyienj bau bug ma ranz
28
Ing daiz mwngz gaej vueng
Daengj sam ndwen dem gaenq
Ndaej baenz lai coek caenq
Doq yaek gaenj gaiq maz
脚
Vit gwx gaeu gag yaeuq
Ngaex daeuj caemh sim suen
Dem mwngz guh laux doengz
Mbaeuj miz ngoenz hoz haenq
29
Daengz sanq yoz ci cung
Yaek bae cunz baengz yaeux
Maih yaeuq lai mbaeuj yaeuq
Yaek maj gaeuj baez ranz
脚
Senz saez raeuz doengz naengh
Goj cij raengq gwx mwngz
Ngaex yaek vit gwx mwngz
Caemh sim cung yaek naeuh
30
Gaeu roeb vunz cix cam
Daeuj caz ranz singq cuk
Yaeuq yoz dangz dox sug
Coh de dwg ing daiz
脚
Daj swh dox faen caeuj
Cungj goq haeuq mbaeuj yangz
Daengz bak mbanj cix coz
Caeuq he ma raeuz lwg
31
Suenj seng ma daengz naej
An mingz caeh gwx maz
Gaeu sawq sij boez caz
Daj rawz ma do yiengh
脚
Yaeuq ndaq ranz gaeu ndwn
Yaek cam mwngz coj ndaej
Baengz yaeux daeuj dox neb
Rox noeuz hek cin gya
32
Baengz yaeux di saeh soq
Gengq ndui rox naj ranz
Raen mwngz cix luenh cam
De yaeuq ranz rox yiengh
脚
Goeu raengq mwngz lwg ngez
Maj cae de daeuj yoj
Baeux ing daiz di lwg
Cingq caen cuk gyaeuj langz
33
Mwngz cam cuk gyaeuj langz
Cingq ndaq ranz gaeu laeuj
Hawj mwngz yaeuq naej yaeuq
Menh hawj daeuj raen mwngz
脚
Swq ciq naex hwnj daeuj
Vingx cik mbaeuj roen damz
Bae downgz naengh doengz gwn
Cingq gwx mwngz do mbaeuq
34
Faenh gaeu liengz can bwk
Ma raen cuk gyaeuj langz
Raen mwngz cix luenh cam
Dwg gya dangz de laq
脚
Bae doengz naengh doengz ninz
Saed dim cingz mbaeuj fug
Sienz saez dox caeuq yaeuq
Coj cij daeuj daengz ranz
35
Ma rog ranz gaeu ndwn
Ngamq raen mwngz baengz yaeux
Haeuj ranz ma menh yaeuq
Caengj gaeu caeux liengj mwngz
脚
Vih gaeu ma gah gonq
Dangq rumz bongx va rum
Lwg ngez maeuq rawz bae
Dawz yien baez ok daeuj
36
Mwngz vunz baz di ndang
Heuh haeuj ranz ma naengh
Baeux ing daiz baengz yaeux
De bae maeuq rawz do
脚
Yah laux doengz gaeu laq
Aeu coenz vah ndeu cam
Dangh de ok bae naz
Hawj de ma ndaej mbaeuq
37
Vunz baz cang vunz sai
Baeux ing daiz ciq ngoj
Liengz yung mwngz ndui rox
Gaiq haeq soq gaeu cae
脚
Yaeuq sam bi mij rox
Mwngz sim soh lai lai
Cingh mbaeuj ndaej cix ma
Mwngz lwg da mbaeuj yoj
38
Baenz de rawz baengz yaeux
Mwngz mbaeuj laeuh saek coenz
Daih ge guh laux doengz
Daengz ngoenz naex coj gangj
脚
Mwngz rox cang vunz sai
Bae caemh daiz gwn haeux
Hauh gaeu rox mwngz laeuj
Caengj senq caeuh diuz roen
39
Ngaex doengh baez hwnj daeuj
Siengj baengz yaeux guh gvan
Baez de ma daengz ranz
Vunz gengq cam aeu mingh
脚
Yiu mwngz ma mbaeuj ma
Siengj gvan baz dox caeuh
Faenh gaeu yaeuq mbaeuj ndaej
Siengj dwk daej fuz danz
40
Ngoenz naex ma daengz ranz
Siengj dwk ndang ok bingh
Dangh mwngz caiq coengq mingh
Siengj haeb linx dai maez
脚
Naengz yienh gaeu mbaeuj rox
Lij yoeuz soj hauq hanz
Sam bi dox caeuh gwn
Yaeuz aen mbwn guh dingh
41
Hoengz mingh gvaq vunz gaem
Coengq bae laeng ranz max
Daengz saez naex lux gax
Nanz ndaej haq song gvan
脚
It de mbaeuj senq siengj
Faenh mwngz liengq mbaeuj daengz
Boh gaeu coengq haqj vunz
Saed doiq mwngz mbaeuj gvaq
42
Mwngz siengj dwk ndang bingh
Suqnq mingh mbaeuj ok fangz
Ae vunz gaenh yaek aeu
Bae ma ranz mwngz luj
脚
Ae vunz gaenh yaek aeu
Cawx raeuj maeu daeuj dingh
Gwx mwngz miz cawj aeq
Gaeu fuk haeq nanz hamz
43
Liengz hanq sim mbaeuj fug
Daeuj cam cu king daiz
Lwg gaeu bingh yaek dai
Daiq yoz saiz hoj gaeuq
脚
Baengz yaeux gwx mwngz ma
Ndaej gvan baz coj dwg
Yaeuq daengz saez lumj naex
Hix mbaeuj ndaej an baiz
44
De aiq baenz fuz mingh
Cij bae cingj yoz saiz
Gaeu ndat haeq lai lai
Gaeuj de dai do laq
脚
Hauh mbaeuj miz rawz naz
Yaek bae bya rawz cimh
Byaij dwk faeuz oengj oengq
Cingh baemz haemj dingq au
45
Daengj gwx gaeu hoi dan
Bae ma ranz mwngz luj
Ngaex daeuj yienz caemh huj
Duet diuz buh hawj de
脚
Saez naex mwngz cij daeuj
Baengh soj yaeuq liengj nanz
Hoengz mingh gvaq vunz gaem
Nanz ndaej baenz fu fuq
46
Ciep diuz buh haeuj fwngz
Dai vih mwngz luh nwq
Faenh gwx gaeu bienq fwj
Aen sim hij baenz faez
脚
Cib cingz di yaeuq gaenj
Cungj hoj naengh hoj ndwn
Cae gaeu bae ma ranz
Cungj dang cangz miz hux
47
Mwngz dai hix caemh langx
Dawz bae cangq namz yungz
Mwnq daq diq yied lungz
Caiq yaeuq gwnz daih loh
脚
Saez naex gaeu dem mwngz
Sim daeuz cunq hoj nanq
Gaeu raengq mwngz yaek gaeq
Gaej mbaeuj ngaex cix lumz
48
Ngoenz naex gaeu ok haq
Caiq deng gvaq mamz yungz
Raen aen moh liengz yung
Hoenz mbin gwnz mbin laj
脚
Mbaeuj ndaej gyiet hwn yien
Caengj siuj yieng baez sax
Ngaex doengh baez hwnj daeuj
Yaek baenz yaeuq ndaej lumz
49
Gwx gaeu vih mwngz dai
Mwngz ing daiz siengj gvaq
Ngoenz naex mwngz cut gyaq
Gaej daeuj sax daeg gaeu
脚
Yaeuq sam bi it haej
Gyaj cang gaeq vun sai
Gaej yungh gvih liengz yung
Miz gvan mwngz ranz max
50
Gwx mwngz vih gaeu dai
Sim baenj laiz mbaeuj laemx
Gaeu bae sim mbaeuj haenj
Yaek dox caemh sae haiz
脚
Saez naex mwngz gvaq saeq
Saed ndat haeq lai lai
Yienh vit daeg maj gya
Yaek miz maz yaeuq gaenj
51
Mwngz aeu gawq naex danz
Gai vaenz can song mbiengj
Maj gya langz mbaeuj siengj
Daeuj lu nuengx ing daiz
脚
Mwngz goq bae lu yo
Caemh saeq goq nanz dang
Hauh gaeu bae mbiengj im
Goj caemh sim mwngz luenh
52
Raengq sam bak vunz faeu
Vit faenh saeu luh nwq
Bae byienq rumz byienq fwj
Duet diuz buh hawj saeu
脚
Baez naex mbaeuj raen naj
Gaeuj bae gvaq im caeu
Dangh maj gya daeuj daengz
Da mbaeuj raen gaeu luj
1
Bet lingz nienz gaeuj hauh
Ok buq gauq roengz ma
Cungz goz hwn yien faz
Liengq cenz daz ok daeuj
2
Bauj huq fuq nij gyienz
Byawz hwn yien bau banq
Ciuq diuz liq ma gangj
Dwg vaez fanj cingq swz
3
Mbangj dam doz guh boh
Cingh yaek rox siengj cienz
Yungh maij maiq hwn yien
Swq cij gyienz mbaeuj ndaej
4
Hwn yien gag coz cij
Ngaeh daeuj ij swq yaeuz
Caiq dem boh meh raeuz
Mbaeuj cwnj naeuz bau banq
5
Miz lengq baeux cungz hwn
Vih ing yungz swq gij
Daeuj swq sw swq liq
Bae benq cij saiz uz
6
Mbangj baeux cib haj roek
Doq ok roeg ra gvan
Saez naex raeuz dox cam
Nienz wng dang lai naex
7
Vunz baz ngaeh cib bi
Vunz sai diz ngaeh mgaeh
Dangh ndaej hab nienz gaej
Menh gyiet baeq gvan baz
8
Gaeh giq hwn yien faz
Miz gaiq maz gimq cij
Mbaeuj fuz hoz diuz liq
Yaek banq lij ndaej rawz
9
Yaeuq sam daih hij naex
Mbaeuj ndaej baeq gvan baz
Bingh maz fung rawz naz
Cungj caez gya gimq cij
10
Ndaej fuz hoz diuz gyienq
Cix yungj yienq gyiet cin
Daih caez dox doengz sim
Ndaej an ningz lux bax
11
Dangh fuz hoz diuz liq
Banh daeng giq caeuj cuz
Byawz vaiz fanj cingq swz
Miz goz swz bauj cangq
12
Gyez hwn dem liz hwn
Cungj namz cungz nij yienq
Hoq gaeuj di ban sienj
Yaek yaeuq mbiengj rawz roengz
13
Gung minz di gyienz liz
Cungj namz nij dox doengz
Yaeuz song baeux yungj coengz
Mbiengj mbiengj roengz cungj ndaej
14
Fu si yaeuq gya dingz
Dwg dox bingz diq vaeq
Caez yoz ciz seq vaeq
Saeng sanj caiq dwngz saeuz
15
Gvan baz dox sieng bang
Caez danq hiq muq
Saeng yuz dem yangj swj
Cungj song bax dox doengz
16
Lwg cib roek hij haeuq
Daengz de daeuj damq dang
Ciengx boh meh ndaw ranz
Yoek wng dang fuz yangj
17
Vaeq cingz nenz swj nij
Haiq ging siq soenj soenj siz
Boh meh swz yimq miz
Gya gyangz di guenj gyauq
18
Fu fuq di sanj gyienz
Caez huq sieng yangj caeuq
Daih ciep daih roengz daeuj
Baeux ciep baeux giq cingz
19
Liz hwn yienz swq yienq
Yaek song mbiengj yau gyaeuz
Dan fueng mienh ma naeuz
Caeuh caeuq raeuz diuz gaij
20
Hauh mbaeuj baenz gvan baz
Yaek faen gya cing suj
Sanj gyienz di bauj huq
Hawj song bux dox doengz
21
Nij fang miz vaiz yunq
Caeuh mbaeuj cunj liz hwn
Bae dang bing di vunz
Cing goq mwngz dungz iq
22
Mbangj liz hwn hij haeuq
Yaek doiq caeuh gvan baz
Coih cungz caez guh gya
Nganq goz faz daeng giq
23
Saeng swj nij liz hwn
Boh meh mwngz song baeux
Lwg gaih caez gim haeuq
Dwg dox caeuq sanj gyienz
24
Baez iq de ma naeuz
Fuz yangj raeuz song bux
Dangh dan fang cauq guq
Yaek buj suq sw gim
25
Miz gaq dij gwnq nanz
Yaek wng dang cauq guq
Dangh naeuz mbaeuj buj suq
Yaeuz cingq fuj buenq gyez
26
Liz hwn senz caiq muq
Yaek song bux suenq ndae
Yaeuz song mbiengj ma baez
Cij ndaej cae gya sanj
27
Raeuz gangj hwn yien faz
Dwg goz gya ciq dingq
Gangj vaez fanj faz lingq
28
Mbaeuj ciz hingz diyz liq
Caiq gangq gij buenq gyez
Mbiengj rawz famh rawz nez
Cungj caez ge miz haih
29
Hinz daq cangz vaej vaeq
Dingh baenz naex roengz ma
Sam caet diuz hwn yien faz
Ging goz gya biq nganq
口承文芸 