44
男
Yieg saiz hai luk yungz
Coengq angj fwngz rox byaij
Dangh naeuz lau cat saij
Cawj aiq vaez caenh lungz
脚
Baeux hai yienz gangj ginq
Sinq mbaeuj sinq caih mwngz
Ndaej fanj lauj vaez cwn
Naih saez mwngz coj ndaej
45
女
Siengj baij rap lwg sawz
Caiq baenz haw loq haemh
Gag vunz yienz loq haenh
Daiz rieng caengh coj hai
脚
Caez emq luh simj sauj
Yaek siengj lauh cienz ngaenz
Dangh mbaeuj ndaej daq fang
Yaep vunz han aiq maenj
46
男
Vunz dieg naz vanq gyaj
Mbangj ciq yah bae bienz
Bi naex loq fung nienz
Caengj aeu cienz bae cueg
脚
Loz bo daengz luz vaz
Cungj caez gya miz naj
Hanz mbaeuj lau vunz gangj
Mbanj hix mbanj miz biengz
47
女
Vunz raeuj raez caemh lau
Hawj nuengx au caeuq daeq
Yienz mij maz soj vaeq
Sab hamq mbaeq dwk law
脚
Rin baenz ndaek baenz ndaek
Lai lai roeb daeq dau
Cungj caengz gyet ndaej deng
Doq ngeng gengz dwk daej
48
女
Gvan mbaeuj yaeuq ngoenz ranz
Yah ronj vang lingh baeux
Fat yaek naeuz ok daeuj
Gya caeuj mbaeuj ngvaih cenz
脚
Bwz max noz song mbiengj
Lengq ndij lengq bae cam
Bwt fan mbaeuj bwt fan
Lwg ndaw ranz mbaeuj gaeuj
49
女
Ciengj liengh mbaeuj ndaej gw
Aeu byaek lw daeuj yangx
Linx yaek doek sanx sanx
Byawz mbaeuj ngvanh ra gri
脚
Oi baeux rawz mbaeuj rox
Vanj moj mbaeuj doi swz
Gyoengq raeuz naej daih ge
Yaeuz caih de vaiq gangj
50
男
Gaeu gaenq vuenh rag gyaj
Muengh bae naj nienz fung
Bi naex fwn raemx yunz
Byawz rox vunz gyik gvuenj
脚
Dingq gangj hauj lai vunz
Maeu sienj rungz hamq maj
Saed mbaeuj gaez luh daex
Aiq bi naex dox lungz
51
女
Yaek vah ndaem lwg gam
Byienq baenz sam vaz lij
Gyoengq yaenh caemh siuj gvij
Mbaw doq gyih liux ngaeuz
脚
Yaeuq baez de siengj gvaq
Aiq naeuz gyaq ndaej sang
Dawz aen de mbaeuj hung
Gaej gvaiq vunz dij ciq
52
男
Baeux meh caemh siuj nginz
Bunq lwg nding noh uq
Baenz faeq hinz bae luj
Yaek ienq bux rawz aeu
脚
Yaeuq dwk nienz haj gaej
Cungj mbaeuj ngaex siuj sim
Baez naex yaek yaeuq ndae
Laemx roengz bae goj yuj
53
女
Lwg rawz coiq lingj laeu
Bang gwx byaeu sonx vanj
Cingh langx de hanh yanj
Byaeuq rox vanh baenz lai
脚
Raeuz yaeuq naej soj liengq
Cungj yiengh yiengh gingq daeuz
Ngoenz naex gaeu daeuj raen
De singj saenz naengz ganq
54
男
Siu laeuj dwg haeu hoenz
Gaej mbon goeng aemq ndwq
Senq rox baenz de luj
Dwk faez nguh mbaeuj rawz
脚
Baez naex cij hoj yaeuq
Vunz gaeuj caemh naj hoengz
Sawq mawh roengz fwn hung
Mij raen mbwn gvaq fwj
55
女
Yaeuq naej raeuz gaej vih
Caez do cih lauj vangz
Hawj song daeh mak gam
Haeq diemz rang muenx daeh
脚
Saed suenq de sim mbaeu
Yawj gwx raeuz saed gviq
De gvan sim go caeuj
Suenq uk raeuj ak cang
56
男
Gaeq miz vunz vanq haeux
Raen cungj gaeuq mwngz rengz
Raeuz yinj caej swh yienz
Caez hauh seng yaek gaeq
脚
Raengq vunz hwnq menx gyang
Ci meh ranz hamq caeux
Gyau haeuj sam ndwen nit
Baengz moq yib fan denz
57
女
Raeuz daih caez gag baeux
Bauj gim haeuq fat caiz
Vah mbaeuj miz baenz lai
Cungz haeuj daiz ma hob
脚
Maij maiq yaek gung bingz
Byaeu gung sim hij haeuq
Gyaeng bit yaeuq ndaw roengq
Mbangj hix honh siengj hai
58
男
Cauz max dwk saej byau
Caiq goeng au bauj buq
Senq bya raez rux rux
Mbaeuj hawj nguh miuz cwn
脚
Ciengj liengh dungx mbaeuj mboek
Baenq ok roeg byoek cauz
Bi naex coiq fung yungz
Bau ndaej rumz gaen fwj
59
女
Vih aen daemz naex gvangq
Coengq bya vanx ndwen cieng
Sam mbaeuj cib yiengh vueng
Mbangj aemq rieng daeuj daengj
脚
Bwh ciet haeq dawz luenz
Daengj ngoenz buenz menh vanh
Dangh faeuq dawh byawz raeh
Goj naengz ndaej nip sueng
60
男
Gaen saeq gyaiq cauz liuz
Sawq siu gyiuz bui loh
Gvaq laeng vanj ndaej moj
Caemh haeq soq gwx raeuz
脚
Ciengh goeng rengz mbaeuj naex
Cix mbaeuj haeq vunz riu
Dangh caij soq daengz mwngz
Aiq vuenh vunz naj moq
61
女
Gyau yax vuengz baex nuengx
Gaej dox yiengh haex maeu
Baeux baeux cix mbaeuj aeu
Aiq dwg naeuz ndang mbaeq
脚
Gaiq naex dwg cingq caen
Ngaiz roengz daemz bae nduenj
Dauq laux cenz dauq naex
Byaeu ndaej gaeq caemh yaeu
62
男
Mbwngq hoh fwngz dwk mboep
Ngoenz naex ok cut hengz
Yaeuj fuk caiq yaeuj yenz
Ding lingz den sungq hij
脚
Dingq dauq laux soj cenz
Sam bi ding lingz ok
Ngamq ngamq ndaej aeu yah
Hong bae naj lai rengz
63
女
Yib ndaej diuz buh sae
Aeu diemj maez haeuq buek
Dem caiz fungz cim ciek
Yaek byaeuq gueg baez ngaenz
脚
Baez naex coj baeq soq
Aiq naeuz loq byienz ngaez
Daenj mbaeuj daiq hab ndang
Hawj lungz sam aiq ndovet
64
男
Hai noh vaiz dap vap
Hong baeux ngah caemh aeu
Hawj daeg yet max daeuz
Vunz caemh naeuz daih baj
脚
Ciengh baij daiz mbaeuj lai
Dawz baeux gvai de laq
Dawz maj ranz gyij gyiq
Mij gve ndiq cix naeuz
65
女
Ngoenz naex hoih laeuj yez
Daiq lwg ngez cungj daeuj
Lwenz byaek cungj mbaeuj gaeuq
Aiq dungx yaeuq maj ranz
脚
Gaeu raengq mwngz doengh boix
Loengh hamq foih dwz bez
Guh dwk saeq mbaeuj sam
Cungj mbaeuj han ma raeuq
66
男
Bi yun song ndwen caet
Lwg ngez saet sam ha
Lwg sau ngoenz naex ma
Lwenz goeng da mij saenj
脚
Noengz mbaeuj miz raemx saw
Hong byiek sawz baenz daet
Guh meh ranz bet yied
Hawj dungx iek gaiq maz
67
女
Daz lwg ngez gyauq byaij
Yaep yaep caij gyiuj din
Baenj laiz yienz mbaeuj in
Gaiq sieng cingz de gax
68
男
Rumh raeuz yaeuq laj din
Mbangj hemq cinz hemq gvaej
Vunz meh mbae saed saeq
Aeu dax haex gven daeu
脚
Bawx saeq aeu ngamq daeuj
Lau cungj mbaeuj gag ninz
Haj rox hengz sim ndaem
Muengh hek daengz gaj gaeq
69
女
Daeuz saiq cungj mbaeuj rang
Ndong daiq nanz lai laeuj
Aeu den giq ma gaeuj
Hanz doiq aeuq cungj nanz
脚
Gyaq cienz lai rox naex
Vunz daeuj naej cingh cam
Dangh naeuz mbae mbaeuj hung
Bae cam vunz ndaej mbaeuq
70
男
Oi ciengx vaiz mbaeuj yaeuq
Hawj daeg faeux ap lunz
Dangh da laep sumz sumz
Byaeuq mbaeuj gwn loeg cak
脚
Saet lueng caiq dawz lueng
Ngaex daengz rieng dauq raeuj
Cwn ndaeg hix mbaeuj ak
Vih mij cag nax lungz
71
女
Ngengh naeuz miz dik cuiq
Byaeuq mbaeuj hoiq gwx de
Byaij roen cungj mbaeuj he
Dawz lwg ngez fad mat
脚
Caiq raen loq byienz ngaez
Raemgq hamq ndae nwq cuij
Dingq ngi vunz di vah
Cingh luj gyaj faen bez
72
男
Ndenq soenj hix yangq
Ndenq doengx langx baeux lan
Faenz vauq cix luenh damz
Saed hoj dang baeux laux
脚
Hauh gaiq gaiq gag gwn
Yienz gaeuq mwngz vunz gangj
Mbaeuj gek mwngz dai iek
Suenq rox gueg meh ranz
73
女
Cimz cauz dem cimz hawj
Maix mingz sawq hoz cung
Byawz mbaeuj gaeuq gaemz gwn
Cam bau gung cij rox
脚
Guh dwk ok vaenq daez
Vih caij naez loq hawq
Oi ok rumz saej gaeq
Coj daeuj naej faen lungz
74
男
Gaj maeu meh dienz haw
Gauq baeux cawz da raeh
Aen duz rawz cungj ndaej
Gaen gaen caeq dox doengz
脚
Gwx de baenz naex loengh
Maix mingz suenq baeux ngawz
Caemj inq dwk cij hai
Mbaeuj dwg gvai menj caeq
75
男
Raen fueng naz naex hoengq
Caengj caiq coemj gyaj lw
Dangh dungx imq lumj fw
Cungj duz duz yauq niemh
脚
Vih raeuz yaek guh gya
Hauj gwx maz sim doengh
Doengh gaiq vunz guh gyik
Mbaeuj hawj vit naz fwz
76
女
Goeng cangh mak naex gvai
Gauq hai lai guh conh
Fwngz uet hauj lai hanh
Byaeuq mbaeuj vanh dauq laeng
脚
Doengh baeux vunz ak suenq
Dam doz siengj fat caiz
Caez ge gaeuj hax lungz
Dwk goemj vunz laj mbanj
77
男
Guh hangz cangh bya lwg
Gwn sug mbaeuj gwn seng
Geq deng dem mbaeuj deng
Caemh hoi cenz dwk uengj
脚
Rox vunz naej vat daemz
Gag hoz haenz myah myub
Hanz gauj mwngz saez haeq
Ndaej bya laex fuz lenz
78
女
Ngamq saek gaen haeux raeh
Gaej duz gaeq laj din
Ciengx ai cungj mbaeuj imq
Gaej cim luh roeg laej
脚
Yienz loq uq laeng rwz
Gw cix gw lux naex
Saeq saez cungj lij iek
Byaeuq yiengh guh fuz cingz
79
男
Daq vaq denq cang baenz
Hoj yaeuz daeng gemj cauj
Ranz ding daengz bak cauq
Geh ciengz vauq cungj raen
脚
Ngaex doengh baez di soiq
Naeuz diemj yuih mbaeuj baenz
Liengq raeuj daengz laj din
Cun cim lumj vunz laux
80
女
Gaej cib bi daj daeuq
Mbaeuj rox haeuq ha doen
Din fwngz yienz loq soem
Dienz siuq goem ndaej mbaeuq
脚
Rag gawq yaek goeng rengz
Caiq lienz rag maeg daeuj
Hawj vunz yoj yienz ak
Mbaeuj ndaej rak gyang ngoenz
81
男
Goq hungz doh bauq dan
Sinq bin yangz mbaeuj gvaq
Baeux bak diemz sim caq
Vinj guh vaq naeuz bau
脚
Oi raemx riuh loq gaenj
Caez yaek boengh diuz gan
Vah goj baenz naex naeuz
Doengh bin caeu cang gyaj
82
女
Nengz yaen daj mbaeuj saeq
Liengq lij ndaej faen bez
Naej gaej baeux lwg ngez
Mbangj baez de caemh sinq
脚
Baeux ak cwngq cix rengz
Deng mbaeuj deng ge daex
Baenx raeuh vunz daeuj emq
Sing de hemq yez lez
83
男
Oi maix mingz dok caq
Cix yaek yah aeu yaeuz
Dingz liuh cungj mbaeuj saeuz
Cingh lau naeuz ok daeuj
脚
Laux danj siengj fat caiz
Vih an baiz bae naj
Vih saeng hoz fuq hiq
Caez yienq giq yienq maeuz
84
女
Lwg raz saeq hah saeq
Gvueng duz naex gaeq daenh
Hauh vanq gwnz dangj roen
Gwn baenz ngoenz mbaeuj imq
脚
Houh gangj naeuz cingz bau
Ngoenz maz lauz hwnj saej
Ngaex cungj lij naj caeuj
Caez ge gaeuj hax doengz
85
男
Raen duz maeu mbaeuj maj
Cingq daq gang mbaeuj gwn
Caez emq luh goeng lungz
Aen gya gungz dauq dij
脚
Ok saek raq ndit riengz
Ndun ing ciengz bangx hamq
Gaiq gaiq cix mbaeuj ngamj
Gaeu mbaeuj langx daengz mwngz
86
女
Daenj buh mbaeuj hab ndang
Cat cam mbaeuj ngamj raeuj
Soj laiz mbaeuj siengj laeuj
Yaek ienq baeux rawz aeu
脚
Baenz baenz mbaeuj hab aeq
Gaeu yienz ngaex mbaeuj han
Faeq bae hauj lai ngaenz
Caiq deng baengz mbaeuj gaeuq
87
男
Gvaij diuq haeq raeuj ceg
Fong rek haeq naj ndaem
Yaek siengj naengh bangx daemz
Mingh yaek daeng cij ndaej
脚
Gauq vaq siengj lauh gwn
Mumh hangz gwnz cih bet
Ciengx maeu hix ra byaek
Ngaex cingq saed doen laemz
88
女
Rap fwnz hanz faex baeq
Rap haz faex deuq gonz
Boiq doengh yiengh naex hong
Yoj baengh gyong raep caij
脚
Doengh baeux vunz haeuj ndoeng
Doeng mbaeuj doeng ge daex
Goeng rengz aeu rox yungh
Guh cungj cungj yaeuz soeng
89
男
Dag caej ma caiz ae
Dag cauq faez donj yengj
Cax raeh deng heng genq
Yaek siengj venx hix nanz
脚
Gaiq gaiq mbaeuj ndaej faeuq
Cangq moh mbaeuj deng saez
Naej bit gaeq baenz luz
Caih ciz da vunz sienj
90
女
Aeu ndaej gaej donq byaek
Cingh yaep yaep byaij loeng
Bak gangj yienz loq soem
Luenh mbon ronz ndaej laq
脚
Cingh muengh daengz ndaej gwn
Benq bak vunz cij yaek
Caen mbwq rox gyaj mbwq
Gaeuj de luj vunz loengz
91
男
Gaeu yaeuq baenz naex laux
Raen bak cauq cim ranz
Lau vunz vaenq haeux cang
Danx daeuz cang gyoengq mbaj
脚
Saek baeux daeuj dox cwnz
Gwnz cuk mwngz laj sauj
Ngoenz naex raeuz cij roeb
Ma bak gyok raeuq bamz
92
女
Ranz de hwnq ranz ciengz
Byien sienz yiengz gaeu vengj
Loh mbaeuj dwg cix venj
Goeu mbaeuj gvenq gaej loi
脚
Mwngz naeuz mbaeuj vunz laux
Raq rumz rauj cix vueng
Oi cix baenz mbaeuj baenz
Yienz maex saenz cungj emq
93
男
Doengh hauh seng hanj ginq
Rag rieng linh haeuj rungz
Caez yoj hax goeng lungz
Hanz ndaej gwn cix gyaj
脚
Gwx gaeu hix mbaeuj naeuz
Caih max laeuz yaem cingj
Miz mbangj vunz mbaeuj rox
Gaeuj caemh loq fwngz humz
94
女
Caet cib bi haeuj ndang
Yienz hangz bam loq vauq
Noh vaiz yangq baenz ngauq
Haeuj bangx cauq ma gon
脚
Benq bak mbaeuj hawj hoengq
Bit goeq soenj daih sanz
Baenz baenz cungj yaek gwn
Menh boih lungz boih sauj
95
男
Dingq vunz gangj lumj naex
Naeuz ndaw daeh miz cienz
Haemh naex dox ciengj beng
Cij rox denz mwngz vaih
脚
Maih doeng dem mbaeuj doeng
Yoj gaeq goeng faeg raeq
Raeuz naej vunz baenz gyongq
Cimz gaiq somj dem diemz
96
女
Doengh gyoengq lwg gvangj dung
Doengz gwn mbaeuj doengz gangj
Gwn yaek aeu gu canj
Aiq bae vanh doengz byiuz
脚
Gaeuj yienz mbaeuj suenq ngoengq
Aiq dwk goenj gwn vunz
Caez gaeuj yax cungq vunz
Gag sim cung yaek anq
97
男
Aemq biengz daeuj ra yah
Roeb dix dax naex gaenz
Ndaem byiek cix ndaem laeng
Ciengx maeu baenz luh simj
脚
Doiq bi gaej cib gaen
Cingh lumj saen bya gaq
Gwn baeh deng ak vanh
Gaeu cungj langx dawz saenz
98
女
Seng daeuj yienz gya gungz
Mbaeuj haq gwnz haw dah
Mbaeuj miz gwn cix bah
Caiq yaek gah cae naz
脚
Vunz cungj naeuz cat saij
Haeq lau vaih miuz cwn
Aen gyaeuj hix mbaeuj raez
Daengh mauh sae cix gyaj
99
男
Oij ix vaiz huh vaiz
Yiem go gaiz naex coeg
Hwnz loeg ngoenz caiq loeg
Hai goep cawx gungq saeu
脚
Baenz baenz cungj mbaeuj ndaej
Hab cek saej soengq ngaiz
Sam ngoenz doiq daengz haw
Yaek baenz rawz faeuq loet
100
女
Maix mingz an diengz haw
Baij gaiq rawz mbaeuj ndaej
Daj daeuz byaij dauq vaej
Daengz ngoenz naex cij yiem
脚
Oi mwngz naeuz mbaeuj hab
Coengq gaej rap di sawz
Daih caez vanh cungj haen
Cuk vaeng rox cuk maex
101
男
Gengq baeuh naex nienz gaej
Mbaeuj caengz ngaex guh gya
Yaep sienj bae sienj ma
Dawz sam bya ranz laex
脚
Vunz daj senq baenz gya
Mij raen baz rawz naex
Oi mij sak rawz cej
Lumj gaeq meh did nda
102
女
Gok ranz sang saux saux
Byawz rox vauq di ndeu
Baez naex coj da heu
Yaek heuh baeux rawz baeuj
脚
Mwngz naeuz ndae mbaeuj ndae
Vunz siengz saez caemh dauh
Aen vanj ndae yaep yaep
Dawz ma daek dwg geuz
103
男
Ciengx maeu hung mbaeuj gaj
Vunz dauq ngah mban danz
Lwg sau hung ndaw ranz
Vunz cungj cambaenz raeuh
脚
Daj senq cix gangj rumz
Vunz yanj gwnz yanj laj
Caemh hoj dawz cawj aeq
Guh dwk saeq mbaeuj sam
104
女
Cuk yienz ndun hamq dah
Gaej doq ngah bya hung
Ngaenz baenj laj lij vunz
Mbaeuj daengz mwngz bae comj
脚
Yaek baenz rawz guh cwng
Doengh hoij vunz naex gax
Roeq ranz faex baenz raeuh
Bae gaeuj hax yiengz sunz
105
男
Boh miz caiq lwg dienz
De miz cienz lwg sawj
Hai bak diemz bak awq
Ndaej aeu bawx haeuj ranz
脚
Gyau naz gaiz guh doih
Ndaej gwn oij byai diemz
Daih ciep daih gawq gwn
Mbaeuj sinq mwngz cij yawj
106
女
Hai song daeg raiz hung
Cunj biq gwn gve loet
Hong mij rox suenq mboek
Cingh lau loek hawj vunz
脚
Baenz saeq vunz yat yat
Sawq guh mbat ing yungz
Ging gau daeuj daengz haenz
Yienz gag yaeng yoek yoek
107
男
Bin yangz hai roeg fit
Naj ndaem myig ndaem gaeuz
Vunz raen dox ciengj aeu
Haj saek yaeuz daeuj goq
脚
De yienz caemh haenj boenz
Ndaej saek ngoenz cix vit
Saed gyaj hoq luh nex
Mbaeuj goq yeh lwg ngaeuz
108
女
Noh aeuq roengz cauj guj
Bux swngq bux singj sien
Mbangj hix gwn hix yiem
Vunz gawq cienz roengz daeh
脚
Cingh hab aeq cix aeu
Fueng byienh raeuz gag bux
Daeh fueng raeuz naej gax
Cungj dawz moj gvaq nienz
109
男
Bwnq lwg haeuj gaemz dog
Baez dawz ok nengz yaen
Gumq baenz cap lauz saen
Oi cungj baenz lai laq
110
男
Daengj baenz haemh raemx naz
Mbangj sa baz caengz mbaeq
Dan di ndaej mbaeuj ndaej
Yap cungj gaex dwngj daemz
111
女
Yaep daj mwngz saeh hung
Goj gag vunz gag faenh
Ak cwk cix lwg haenh
Ndaej hat haemh siengz yunz
112
男
Swiq naj gek gyiuz ndaeng
Ngengh mbaeuj faen gvaq doh
Lwg meh laeng mbaeuj goq
Boh mbaeuj boh dangq henz
113
女
Cae naz lij raeuj dauq
Vuenh vaiz laux hat ndeu
Haenz naz yienz ywj heu
Gong rengz byeu byingj byingq
114
男
Haeq soq mbaeuj daeg gyonh
Mbun mbongq miz fwj fong
Nduj ndaek ndaej guh gyoengz
Cenh mbaeuj goengz dungx iek
115
女
Oi gengq haj cib lingz
Coj loeb sim aeu yah
Hawj maez daeuj cam gvaq
Caiq deng dax bak mbieng
116
男
Vunz ndaem gonq baenz vaeng
Raeuz ndaem laeng baenz haeux
Nit miz faez cix raeuj
Baengh baengz yaeux bang mangz
117
女
Oi miz vunz daemz laeg
Ciengx bya caek dwk gwn
Lai cauz cungj mbaeuj hung
Vaih cungz mwngz ndong moiq
118
男
Mbanj aeu di canq yaeuj
Miz vunz caeuq ram vaiz
Noix goeng rengz hauj lai
Ndaej gwn ngaiz caengz yiengh
119
女
Dingq ngi naeuz gaij mbanj
Vunz cungj gangj baih gwnz
Bu dungh dwk cingj vunz
Gaj maeu hung lai rawz
120
男
Mbaeuj sug raeuz baex nuengx
Mbaeuj ngah buenq ma dai
Moh dingh mbat caet fai
Raemx gvueng vaiz cungj hoj
121
女
Vunz gangj gyoengq ciengx yienz
Byawz miz cienz gvuenj angq
Yaek siengj naeuz daih canh
Cij guh cangh yaeux yaz
122
男
Vih gungj ciq hinz gaeuj
Aiq bae caeuq de yaeu
Gyez caz mbaeuj daengz raeuz
Mbaeuj lau daeu gaeu hed
123
女
Haemh lwenz gai vanj vaeq
Daengz mwnq naex camq dingz
Yaeuq naej caez vaiq hinz
Raeuz vanz cingz yimq muq
124
男
Maj gag vunz gag gyae
Mij rox gyaez laj cej
Dangh yaek laeuz guh ceh
Gaej hawj maeu meh caemx mungz
125
女
Gengq yaek siengj hoi fai
Naeuz haeux byai caengz henj
Baenj laiz sim mbaeuj nenj
Lau mbun rengx gaen laeng
126
男
Rok vax ndek boenz hwnz
Gaiq dieg hung mij mbaeq
Naeuz dungx haemz mbaeuq daex
Gaj yiengz caeq miuh yaeu
127
女
Byawz rox vaiz bak gvangq
Mij cauz yangj hamq lai
Naej baenz raeuh ywj gaiz
Bau mwngz ai ndaej imq
128
男
Naej baenz gyoengq bya loz
Soq soq ra duz vanx
Haex de canh mbaeuj canh
Cingh dox canj gaen laeng
129
女
Yauq ngoenz bonz vaiz cae
Dawz lueng raez cix baeg
Saez naex lij naz byaek
Cix gyaj saet sam ha
130
男
Mbangj gwn imq daiq lai
Yaeuq haenz daiz louz lig
Yied yawj yied yienj cik
Aeu din dik bae raeuz
131
女
Ma byom ninz gwnz cah
Diuq ya maj baenz lai
Cuk yienz mwngz daenj haiz
Yaep cingz ngaiz roengz heuj
132
男
Naz gaiz mbaeuj miz doih
Caemh ngah oij loeg dangz
Gaemz suenq gaemz diemz van
Vaiz gyauz lanz mbaeuj coengq
133
女
Ndek gyong lak byienq it
Yaek hawj gib coj baenz
Saez naex da coj haen
Yaek goeng gaenz dwk nwq
134
男
Mbaeuj goq mungz fanj coi
Ndaej gunz gyoi bae laq
Bae saek ngoenz dwk dah
Ndaej bya gaq dwk rawz
135
女
Maeu gyoiq vunz maij yiem
Hawj cienz cienh vunz mbaeuj gaj
Saek ngoenz vunz hawj gyaq
Menh laeng vah dienz haw
136
男
Lwg manh yienz sangj bak
Gaej yungh nap lai lai
Yaep got dungx hamq daiz
Suenq mwngz gvai rawz daex
137
女
Oi rox vunz siuj swg
Coj caep cwk ceuj san
Yaeuq naej gaej gwx ranz
De ngeng ndang cungj haeuj
138
男
Gaeu gva riengh gaeu gve
Ngoenz rawz de coj gat
Raeuz gangj coenz naex sat
Saeq nyied bat menh raen
139
女
Dangh rap fwn naex gvaq
Doq raemx dah gat gang
Cungj yiengh gyoengq gamj danz
Yaeuq yaeuq lang saek di
140
女
Baenj laiz mbaeuj nienz fung
Haeux gaeuq gwn saek danq
Dangh mbaeuj ndaej dox ronh
Miz mak soemj haenz ranz
141
女
Gengq naeuz ndoj cung maeq
Ywngz ndaej gaeq lai lai
Faenh goeu yaeuq naz gaiz
Dauq hoi fai dem mbaeuq
142
男
Dangh ndaw daeh miz dangz
Cij heuh lan daeq raeuj
Camj gaeq goeb roengz daeuj
Cungj song baeux sim in
143
女
Fanh gwx gaeu byienq daengz
Cungj saed ngaenz ndaw daeh
Doiq hoh daiz hix ndaej
Vih saea naex hix gyang
144
男
Ngoenz lwenz haeux naengj rang
Muenx daeuz lanz cingj hek
Vih dangz mumh cih bet
Vunz gumq gyed gaen laeng
145
女
Ok buq gauq de naeuz
Caiq daj gyaeuz denq ingj
Raeu daih caez gau hingq
Doeuj bet gingj ngiz loz
146
男
Bi bi cungj nauq yez
Naej diq gyez hix lingz
Daj senq cix riuz mingz
Yanj vaiq bin haij vaiq
147
女
Mwnq naex cib caeh gai
Vunz laiz laiz vongj vangj
Ciq cangz goi fangq
Vunz cungj yahj bae gyae
148
男
Fong rek vanh dauj loz
Baenj laiz hoz mbaeuj onj
Haenz ndang mwngz yaeuq hoengq
Doengh mbaeuj daengh liuh ciz
149
女
Ndaw ranz diuh maeu hung
Lwg da vunz caemh raeh
Vih de laj lij saeq
Ndaej mbaeuj ndaej yaeu siz
150
男
Ndaw suen miz mak lai
Vunz vangj laoz rin cauh
Saez naex yaek dox dauq
Yaek daih lauh ma ranz
151
女
Saek banj ciengz cah suen
Saed mbaeuj fuengz siuj gvij
Ndaej baenz lai laj niz
Yied baez viq yied raen
152
男
Gauq vaq daengz bak daeu
Vanj cuk saeu mbaeuj ndenq
Baeux sim singq gag gvenq
Hawj vunz emq caemh riu
153
女
Rox daeg yet ngah nginz
Gaeu ding lingz rom ndok
Gvuenj aeu gyoi daeuj cop
Gaeu menh yok hawj mwngz
154
男
Dangh doek vunz mbaeuj gangj
Raeuz caemh vanh haeux ngaiz
Raengq caez naej vunz lai
Bauj fat caiz bae naj
155
女
Daih ge raeuz guen cungq
Baeux baeux cungj hing lungz
Yaeuq loz bo gya cung
Gaemz gwn mbaeuj lunh caih
156
合
Haemh lwenz gai vanj vaeq
Daengz mwnq naex mbaeuj damz
Daengz cib nyied cib sam
Menh cungz han gyienq mienq
口承文芸 