1
Cung hiz ndaej gyau gvan
Ciet cib sam gvaiq lok
Hauj siu siz senq ok
Vaeq swj cok an baiz
Gauj vaenz mingz goz ciq
Ciuq dauq lij wng dang
Gij banq can go daiz
Hawj vunz lai daeuj hob
2
Ciep vaeq swj dung ci
Hauj siu siz haemh naex
Raengq hawj raeuz daeuj naej
Gi vaeq mbaeuj luenh yangz
Daih caez cungj vuen siuq
Baeux baeux ciuq gave liz
Daeuj naej yoj goh vunz
Luj bya fungz can caej
3
Vaenz vaq ndaej gyau vangj
Vuen haej cangq can go
Hingq cuz haw loz bo
Hawj vaiq goz saij fangj
Vaeq swj de vaej doz
Cing lauj hoz doiq cangq
Doengh ngoenz naex saed saej
Caez vuen haej gvaiq loz
4
Ngoenz naex raeuz baenj yang
Yaeuq cib sam senj siq
Gvangj gauq daengz goz diq
Vunz cien lij vangj laiz
Cib cingz di ndae gaeuj
Luj rwi daeuq va lanz
Daj liz gyae cungj ma
Hauj gwx maz gyaq ciq
5
Vaeq swj siuj sej gai langj
Daeuj saij fangj cung goz
Lauj cung cing gyez hoz
Gueg can go doiq cangq
Vih cenz dungj liuz cenz
De gyien cienz suq cangj
De baenz naex faen baij
Vih haeuq daiq cung goz
6
Vaeq siuj cej ganq gingq
Caen cingq daeuj daengz ranz
Haemh naex raeuz dox raen
De gaej caengz cau daih
Miz cienz gai maj daeuz
Cam cauq raeuz fung gingj
Saiq soq vunz yung diq
Cungj daek iq yangz yangz
7
Cung goz di fung suz
Goh minz cuz gah yiengh
Dieg fueng raeuz ma liengq
Cij aiq ciengq can go
Gyungq gvaeq binh hiz baenj
De daeuj ndoemq mingz bwz
Namz fangh raeuz diq gi
De giz giz cungj siengj
8
Cingq saed naeuz gau gij
Siengj cingq liq muz biu
Haemh naex raeuz dox iu
Siengj gyau liuz ging niemq
Cingq gyaq caemh yienx daeuz
Ma laeng raeuz cij ciq
Vaeq swj saed ak vanh
Ndaej gaen cangq cauz liuz
9
Gah minz cuz vaenz vaq
Ij giq vaq faz yangz
Vaeq swj de daeuj han
Naeuz sieng dang muenj iq
Dawz faenh raeuz can go
Maj vaiq goz fangq daq
Gauj vaenz mingz cij iq
Cungj giq giq wng dang
10
Baenj goz raeuz ma gangj
Bij mdaeuj cangq dung yangz
Ngoenz naex mwngz daeuj han
Byaij yamq sang yamq daemq
Daeuj laeng raeuz goz gya
Mbaeuj miz maz bangj yangq
Vunz cungj riuz gaej daih
De gaiq gaiq muenx ranz
11
Gangj cung goz cenz dungj
Guq swq cungj cungj miz
Ngoenz naex de ci ciz
Hawj gangj ci vaenz caeq
Anq cenz dungj gangj bae
Saez it saez yaeuj yungj
Ij gangj baenz goq saeh
Daeuz dauq vaej cungj miz
1
Daeuj ngoz miz can yoj
Roengz moh lox mbaeuj dingz
Baeux vunz rox ndaek rin
Yamq din haeuj naej daeuj
Gwx gaeu ngamq daeuj daengz
Vih mbaeuj vaengz ndaej rox
Caen rox gyaj gaiq naex
Hix mbaeuj ndaej ngi sing
2
Gyax boh saed sin hoj
Mbaeuj miz doh vuen yungz
Dam doz yaeuq laj mbun
Ngoenz ra funz ciengx mingh
Diuz buh luj caeuh dai
Hawj vunz lai hoj yoj
Ngaex daeuj raemx ra ndik
Ngoenz rak ndit rak fun
3
Gaeu yaeuq gunz gvun lunz
Raen gwx mwngz yaeuq naej
Daeuj gueg maz ge daex
Hix daej uet raemz ra
Vunz gaenz rox vunz gyik
Byaij vingx cik mbaeuj fungz
Baenz gya mbaeuj baenz gya
Vih gwx maz di saeh
4
Yamq din daeuj daengz naej
Yaeuq laj faex yiet rumz
Luj ndaej ngi sing vunz
Cix yaeuq gunz rox laj
Baenz buenq ngoenz ci cung
Ra rap funz caengz ndaej
Ij miz maz yaeuq gaenj
Gyae dem gaenh dox fungz
5
Ngoenz ngoenz yaeuq luengq ndoeng
Luj vunz loengz it yiengh
Cingh ndun ndun muengh muengh
Gaej yungh siengj hong liengz
Vih gwx maz ge doex
Caeuq go faex laux doengz
Aiq mbaeuj bae doeg saw
Mwngz baenz rawz daj suenq
6
Aen ndoeng gvangq ha gvangq
Yoj saeq hamq mij vunz
Ngoenz naex byaeuq gueg cwng
Byaij fungz mengz yaeuq naej
Sawq mawh ndaej ngi sing
Baenj laiz sim hoj nanq
Daenj buh vaih roeb hek
Cungj lau dep gwx mwngz
7
Gaeu daj gwnz roengz ma
Cingh luj gya mbaeuj dangq
Ngoenz gvaq ngoenz vangj vangq
Gaej yunh vanh guh hong
Vih gaiq maz ge nih
Caeuq mwngz rih raemz ra
Byaij mbaeuj miz singj saenz
Buh gaej gaen di hanh
8
Daenj buh soi vaq duenh
Gaeuj gaiq yiengh doeg saw
An cix vunz mwnq lawz
Byaij bi fawz vengj vengq
Ndaej baenz lai dingj lingz
Hawj gaeu sim muenx luenh
Gaeu saed fuengz mbaeuj ok
Siengj daeuq dog do rawz
9
Gaeu caeuq mwngz dox hob
Siengj diuz rap bux gonz
Daih caez ij sieng soen
Vih dox son di saeh
Miz gwn caez miz gwn
Din mbun daem naj byak
Faenh gwx raeuz saez naex
Moeg ciengh daej ra hoeng
10
Gaeu baenz saeq vunz gungz
Mbaeuj miz vunz caeuq langx
Anq sim daeuz dwk gangj
Mwngz gueg cangh gwx maz
Aen vih fuz gya dangq
Coj cix vanh ra fwnz
Miz gaiq maz ing yungz
Haeq lau vunz mbaeuj vanh
11
Mbaeuj goq lai dwg rengz
Caemh dem seng den ciengx
Gaej haeq baenx lai nungx
Uk mbaeuj luenh bae rawz
Baengz yaeux yah baengz yaeux
Gya caeuj gaej vaiq cenz
Ae hwngq cix dawx baez
Saez it saez soj suenq
11(12?)
Baej ma meh gaeu naeuz
Ae gwn caeuz cij dauq
Naeuz mbaeuj laux hix laux
Ngoenz bae gauj gaiq maz
Ndaw gang mbaeuj miz haeux
Gaeu gah yaeuq gah saeuz
Hauh gya saeh haemq ndae
Lij naeuz bae gueg mbauq
13
Maix mingz daj gyang can
Cej dungz gam gungq guj
Baenx rawz baenx de luj
Ij dox mbwq gaiq maz
Daj gwnz roengz ma gaeuq
Mbaeuj hawj yaeuq vaih hangz
Caez dox baengh cij ndae
Suj diem saez gyiet gyuq
14
Haiz cauj caeuq haiz biz
Miz mbaeuj miz dox daengh
Gaeu ndun mwngz cix naengh
Byaij baenx baenx cungj yangz
Dawz gaeu ma gueg goj
Vunz rox caemh nanz vi
Seng daeuj mbaeuj doengz vunz
Luj maeu ruemz dawz gyaengq
15
Ging gau ij gueg gya
Ij miz maz yaeuq gaenj
Ae dangh naeuz dox haenj
Gaej ngaex gaenh baenq lai
Saek raq raemz hung daeuj
Menh laeng caeuq doh saz
Dangh byaij ndaej roeb saez
Dox caeuq ndae haet haemh
16
Baenx baenx mwngz ij daeuj
Cix dox caeuh baej ma
Yienz gya mbaeuj baenz gya
Gwn ramz gva gaej ienq
Donq donq aeu mba gwn
Lau mwngz mbaeuj ndaej saeuh
Ranz daemq yienz hoj haeuj
Lau dingj raeuj deng gyaz
17
Cingq gyaq mbaeuj rox cwng
Cungj doi gwnz doi laj
Gaiq gik haeq de gax
Luj gaeu ngah goj yez
Gungj coenz naex daeuj lux
Cingh dangq fwj gaen rumz
Song raeuz ij nginq cin
Cij daiq pingz dien yaq
18
Mbot ra gwn raemx daemz
Gaengj caen rox gangj gyaj
Raen mwngz cang luj mbaj
Saed ij ngah dwk rawz
Vih ij ngah dwk rawz
Vih raeuz gya mbaeuj dangq
Cungj gah vanh mbaeuj baenz
Maih hanz saemj rox diemz
Goeu saeuj sien gangj gvaq
19
Cib ngaeh yied mbaeuj miz denz
Gen gaq gen cix raeuj
Loeg yied mbaeuj miz haeux
Gaeu cungj daeuj laeng mwngz
Ging ij gueg baengz yaeux
Baez gaeuj cix sim nden
Vih mbaeuj miz ndaem gyieng
Lau dwg liengz rox mbaeuq
20
Duz bya cib gaej gaen
Vih aen daemz naex iq
Dangh mwngz sim ndaej sij
Gaeu naex ij miz maz
Dangh mwngz caen ij daeuj
Maj dox caeuh gwn vaeng
Gaeu gah vanh sim cung
Aiq baengh mwngz vaez gviq
21
Baeux gwih max mbaeuj saeuz
Baeux ing daeu aiq haeq
Gwn mungz reuq cungj faeh
Ae ij ngaex gaiq maz
Song mbiengj raeuz dox haenj
Bit raen raemx cix faeuz
Aeq de gungz cix gungz
Cungj dem mwngz gyiet baeq
22
Diem mwngz gyau laux doengz
Raeuz raen ngoenz vuen haej
Cingh faenh gaeu mbaeuj soih
Baenz saeq mbaeuj ing yungz
Ra yiengh mbaeuj miz yiengh
Sim siengj dwk moengx loengz
Vih mbaeuj caengz dang gvaq
Gangj vah mbaeuj baenz coenz
23
Raen dawz rap loq naek
Baenx cungj baeg lai rawz
Dangh ij bae ganj haw
Menh caeuq dawz hwnj daeuj
Caen rox gyaj ge yoz
Cam cungj hoz loq yaek
Dwg rengz caiq sin hoj
Vingx mbaeuj goq giz law
24
Daih caez yaeuq guj cung
Saed doiq mwngz mbaeuj gvaq
Hawj mwngz caeuq dang gyax
Ngoenz maz gvaq saeq vunz
Ngaex daeuj cix sim ndaet
Cingh dangq raep cang rumz
Gah ngaex gah sim senz
Saed dwg rengz luh gax
25
Gaeu cungj gah naeuz ndae
Mbaeuj miz maez cungj daeuj
Ae gungz cix baenx yaeuq
Cungj moeg maeuh daeg mengz
Gaej ngaex baenx lai gik
Dangh nit cix caux faez
Cungj rox naeuz gya gungz
Cij dem mwngz gaij gaeuq
26
Di gyang ndieng haeux raeh
Daiq gvueng gaeq mbaeuj baenz
Caiq naeuz ciengx mwngz daem
Saed daemj laemz do luj
Hauh naeuz miz raeh naz
Mij gaiq maz soj vaeq
Daeuj caeuq gaeu haeuj haeq
Cungj lij ngaex ndang saenz
27
Gaeu yienz caemh siengj gvaq
Vih gyaeuq gyaq yaq fanz
Gaej haeq lai doengz ban
Yaeuh hoj cang dungx saej
Daj anq mij haeux ringz
Caez danz dingz buq baq
Daj senq gaeu cix ngaex
Siengj cingz daeq cingz cang
28
Byaij ngoz ngoz cix raen
Gangj caen rox naeuz gyaj
Mingz coh fuz rox naj
Gah ngaex gah ndang saenz
Gaeu buh vaih buh leg
Ij dox dep mbaeuj baenz
Vah mbaeuj daek mbaeuj dwen
Mbanj cieng rox nax baq
29
Dem mwngz gyau it faeuq
Siengj dox caeuq bae bwenz
Bak gawq haj cib sueng
Mbaeuj dwen coenz daih ngaeh
Cingh luj fwj gaen rumz
Aeu gwx mwngz gai gaeuj
Caez gyau cingz song bux
Gaeu daenj buh dwk vueng
30
Go faex lij miz mingz
Lau aen sim mwngz gyaj
Mij maez dong daeuj haq
Caengz rox naj saek baez
Raen mwngz yaeuq naej byaij
Cangq haij rox nanz ningz
Ndaw ranz gaeq mbaeuj maeu
Dam doz naeuz aeu yah
31
Meh gaeu an dax saeq
Ngoenz naex baeq roengz ma
Daeuj caeuq mwngz gueg gya
Lj miz maz iq gyenq
Mwngz gaej yungh sawq ngawz
Aeu dox dawz cawj aeq
Song mbiengj raeuz iq gyienq
Muengh yungj yienj fanz vaz
32
Caiq mij cienz soengq laex
Ndaej mbaeuj ndaej gyaq cang
Vah mbaeuj daek mbaeuj cam
Naej gaeu ranz caiq noix
Laux saed doiq mwngz un
Vih gya gungz roeg laej
Dieng rungh ranz mbaeuj hoengq
Hoj coengq danz gung cangz
33
Rafunz ma ciengx mingh
Mwngz ndaej gingj baenq lai
Gueg dwk ngawz mbaeuj gvai
Aen gaej lai mbaeuj ndaej
Gueg yiengh naex mbaeuj doeng
Cingh baenx ngoenz goengq lingq
Gaiq dwg rengz gah rox
Haeq soq ij laeuq caiz
34
Naeuz mwngz ngi rawz auq
Ngaex dwk gyauj dangq maz
Miz di dax vunz baz
Gaen laeng ma saez naez
Sim cau mbaeuj sim cau
Lwg sau gaen lwg mbauq
Gwx mwngz dungz iq mbaeuj
Ij daeuj caeuq gvan baz
35
Ra gwn cungj mbaeuj gaeuq
Baeux rawz daeuj laeng mwngz
Lwg yienz ciengx dwk hung
Cingh aeu mwngz hab aeq
Raeuz gya mbaeuj baenz gya
Ngaex raemx ra cix byaeuq
Gaeu gwn baenz buenq saeq
Raen bya laex byienq lungz
36
Dangh gaeu miz fuk haeq
Baez naex caeq vuen yungz
Sam meh lwg caemh rungz
De naeuz ywngz mbaeuj mbwq
Nienz gaej caet cib sam
Siengj umj lan hamq haeh
Hong liengz mbaeuj yaeuq gaenj
Caiq aen raemx hawj mwngz
37
Gaeu baenz naex gueg naeuz
Mbaeuj aeu vunz laeuz vunz langh
Vih raeuz gya mbaeuj dangq
Hawj mwngz vanh hamq cing
Ngoenz ngoenz yaeuq laj faex
Ij aeu ndaej dauq daeuz
Doengh gaiq naex rawz nez
Lj caz de cingq banj
38
Gaeu yaeuq ngoz miz can
Gengq dox han gaej bienq
Singq cingz de loq yienx
Yaeuh caiq sienh six siz
Mbaeuj sinq mwngz cij gaeuj
Roi raeuj myig myanz myanz
Gwx de cingh rox cam
Ij daeuj ranz loeg lienh
39
Benq cien mbaeuj benq vax
Baeux rawz haq caeuh ranz
Meh mwngz caiq ra fangz
Gij gan nanz fuz baej
Ndaw ranz raeuz mij daeng
Haemh daengz lij bumh bax
Vunz gangj mwngz cix angq
Bae haw mbanj cungj nanz
40
Raen de gangj mbaeuj nanz
Ndaej yw ra fangz dauq roengh
Bau ciengx raeuz haeux donq
Mbaeuj hoj conq ra fwnz
Yiengh yiengh cungj naengz caeuj
Soj laiz ngaeuq guh gvan
Gaeu raen de loq gaenz
Ndaej raen daengz soiq gonq
41
Vunz gungz ndaej byienq faeuq
Gaeu gaeuj gengq gya nanz
Dangh naeuz yawj ndaej han
Hawj lwg lan yangj caeuq
Gvaq laeng ndaej raen ndoi
Caemh dangq hoi seng saeuh
Daeuj caeuq gueg vunz saeq
Lau bienq ngaeh fawj cangz
42
Gaeu bi nienz ngaeh saeq
Senq gwn maeq raemx rangz
Dangh mwngz caemh siengj lan
Gaej diu nanz lux meh
Gaiq naex ndae mbaeuj ndae
Nod daiz bae cimh aej
Muengh miz ngoenz vuen haej
Mwngz byaeuq ngaex mbaeuj han
43
Daiq naeuz vunz mbaeuj yiem
Mbaeuj miz cienz soengq laex
Hawj mwngz gueg lwg gaeq
Lau aiq ndaej raeq honz
Gangj caen rox gangj gyaj
Sien yaeuj vaq saiq sienz
Siengj yung diq dungz bau
Cingh haeq lau mbaeuj ndaej
44
Cauz daiq riuz dungj yunj
Caemh gungz lumj faenh raeu
Bae gueg haeq gueg faeu
Lij ndaej aeu yah aeq
Baenz mbaeuq vunz mbaeuj yiem
Mbangj aeu cienz bangj gumq
Dangh naeuz de sim ndaej
Dangq roem daeh max laeuz
45
Dangh ndaej aeu rawz ni
Caemh daek iq yangz yangz
Ranz aeu haz ma dang
Gaeu ngaex sam dau haj
Ma caeuq mwngz gueg gya
Ndaej yungz vaz fuq gviq
Miz yiengh naex gi vaeq
Muengh ndaem faex hunj rangz
46
Maj cam meh ndaw ranz
Deq gaeu nanz laq cej
Gwx mwngz yaeuq naej deq
Siengj dingq meh gaeu naeuz
Gwx de caemh sim yienh
Cungj gaej byienq dox cam
Baez naex raeuz mbaeuj yaeu
Saej maeu cug mbaenq veh
47
Miz baenz lai gauj gaeuq
Maj yaeuq baenq lai nanz
Baenx baenx cungj gaeu dang
Mbaeuj lau gvan de saeh
Ae ij haeq gaiq maz
Cungj roengz ma gaij gyaeuq
Cingh aeu mwngz hae aeq
Gaej ngaex saeq douq sam
48
Gaeu maj cam dox auq
Haeq sau lauq sau lw
Dangh naeuz baenz de lu
Siq haeuj rwj gaeu daeuj
Gaeu gaeuj cix mbaeuj yaeu
De gah naeuz doeng mbaeuq
Rox mwngz siengj mbaeuj siengj
Faiq yungq vuenh daeg cwz
49
Mbun gengq cug baenz foengq
Cij ma doengh daengz mwngz
Gaej doiq naj gaeu un
Yaep di vunz iq gyienq
Daeng gaiq naeuz mbaeuj naeuz
Sim daeuz gaej lungh doengh
Dangq lwg ngez baeux laux
Baenz rawz gyauq hab mwngz
50
Vunz naeuz haeux nem lep
Lwg dingq meh cij baenz
Song buenq yienz gueg gaen
Lj gvaq laeng cij rox
Gaeu daj senq sim soeng
Doeng saek coenz guh dej
Yienz baenz naex gueg vah
Ngaex bae naj dauq laeng
51
Mwngz baenz naex gueg danz
Cij luenh an cawj aeq
Mbaeuj dwg nienz laj naex
Caemh faeq haeq lauz cinz
Cingh aeu mwngz gai gaeuj
Gaej soj yoq liengj nanz
Hauh ciuq hun yien faz
Diz roengz ma ngaeh gaej
52
Vah gangj ndaej dox cimh
Gaen ningj ma ranz
Gyiet baenz doiq ien yang
Baiq gya dongz saez naex
Daih caez ndaej an gya
Gvan diem baz dox dingq
Song baeux gah dox daengh
Hix mbaeuj daemq mbaeuj sang
53
Ndaej dingq mwngz giq vaq
Raeuz ij caj laeuz fangz
Gaeu guh meh sim gam
Muengh miz lad daw rumq
Mbaeuj lunh gaenh rox gyae
Raeuz daih caez riengz ngj
Maeu gaeq mbaeuj hoj gaeuj
Ndaej rak haeux gwnz ranz
54
Aeu faenh gaeu ma yawj
Gyez dingq hawj doengz vunz
Cienz ngaenz yaeuq ndaq fwngz
Yiemh caih mwngz byaeuq caj
Dangh mbun rox gueg mbun
Yaemh mwngz gwn haeux hawq
Gaej haeq lai ha daex
Yiengh yiengh ndaej hawj mwngz
55
Ranz laeuz hau sak sak
Dauq rog cat veh va
Vunz byaij gvaq naej ma
Hauj gwx maz ndae yoj
Faeq bae hauj lai cienz
Yungh baenz cien baenz bak
Ngoenz lwenz suenq mingh gaeuj
Caiz haeq caeuh dangq maz
56
Hawj mwngz gaej yungh yaeu
Cungj yaeuj daeuz yaeuj vaej
Caemh dangq vunz byenz faex
Ij aeu ndaej daengz gunz
Dangq saij hoz bux mbiengj
Mbaeuj dwg cuengh binj caeu
Swz liuq raeuz mbaeuj yaeu
Gvuenj ciengx maeu ciengx gaeq
57
Haemh gonq daengz hat laeng
Ranz cib gan gaeu gyaq
Meh lwg raeuz rawz gax
Bae naj ndaej ing yungz
Hawj vunz daeuj naej gaeuj
Cungj ndaej caeuq naeuz baenz
Mbaeuj miz gaiq maz yiem
Gaej cib nienz giq vaq
58
Ging gau raeuz miz cienz
Cungj swh yienz cauq guq
Ngaex dauq laeng ha lux
Baengh sien guj haeuq yungz
Saez naex gueg hunj daeuj
Ndaej cangz caeuq vanq nienz
Song raeuz mbaeuj dox yiem
Dangq dauz yienz gyiet guj
59
Meh ciengx lwg dwk hung
Gaej yungh lumz boh meh
Bi daiq sam bi beq
Caez ge geg goeng lauz
Mbaeuj dwg naeuz gangj gyaj
Doiq mbaeuj gvaq maenz fung
Doengh baez gaeuq laep ndaem
Cingh ngaex daengz luh nex
60
Ceh ra gaeu mbaeuj raen
Cingh rox ndaem dangq naj
Dax bawx gaeu rawz gax
De maenh gvaq cangh yw
Hauh raen saek di roengh
Lij ndaej ndaemq gueg caemz
Cungj mbaeuj ndaej gueg hong
Cingh gah gongz aex yax
61
De ciengx mwngz dwk hung
Gaej gaen vunz gueg doj
Gwx gaeu ngamq ma moq
Caemh mbaeuj rox gaej lai
Suenq gwx gaeu miz loeg
Cij daenj gyaep raeb fun
Bit raen raemx cix faeuz
Caemh gauq raeuz caij soq
62
Saeq vunz gaeu ra fangz
Gaiq gan nanz fuz baej
Gah haeuj sim haeuj haeq
Gwn faeh gangj mbaeuj diemz
Gah yaeuq mbaeuj fueng byienh
Gueg gyienh gyienh cungj nanz
Hawj baeux lwg dwg rengz
Aen sim senz gah ngaex
63
Gaej haeq dax meh
Yw gengq beq gwnz ndang
Saez naex yienz naeuz fangz
Menh dauq han ndaej roengh
Song mbiengj raeuz vanh doeng
Gaeu vunz ngoenz cungj veh
Cingh aeu raeuz rox suenq
Cangz dem duenj mbaeuj nanz
64
Haemh gonq daengz hat laeng
Liengq doq raen saez naex
Cun cim cungj lij ndaej
Ra doq raeh dangq maz
Baez naex fueng byienh byaij
Gaeg gaiq gaiq cungj baenz
Dax bawx gaeu ma daengz
Saed cingq caen sik saeh
65
Gaiq gaiq gaeu cungj ndaej
Cungj hamq raeh gvaq vunz
Rumz hung dem fun hung
Gaeu cungj ywngz ndaej gek
Song baeux raeuz nginq cin
Hinz dem hinz vaez gvaeq
Daeuj laeng mwngz rawz nih
Yaeuj ciq buq baq gungz
66
Naeuz mwngz ngi fu hinz
Vangz gvuenq cinz de raengq
Yauq naex hong mbaeuj yaengq
Bae saek haemh gueg caemz
Gaeu dem de rawz nih
Cung ci gij hinz cingz
Faenh gaeu caemh loq gyaez
Cungj bae baez ndeu gaenq
67
Ij yak rox ij ndae
Mwngz bae caemh mbaeuj ndaej
Gaeu raengq mwngz saez naex
Lau miz saeh haeuj ndang
Sw siengj mbaeuj cenj byienq
Baez de ienq mbaeuj haez
Dangh faeg raeq aiq gaemz
Cix mbaeuj baenz lwg gaeq
68
Ngaex doengh baez hunj daeuj
Ij baenz yaeuq ndaej lumz
Siengz saez baengh de gwn
Lij aeu fwnz vuenh haeux
Haeuj ok gvaq bak daeu
Caemh cwng naeuz baengz yaeux
Caih faenh gaeu ma gaeuj
Vunz faeuq rox vunz gungz
69
Gwx gaeu caemh cing singj
Mbaeuj it dingh ndaej ndae
Ae ij bae cix bae
Gaeu cug saez cug veh
Luj rungh gvangj lwg ngez
Baenq yiengz gvez hwnj lingq
Hwnz ninz ra mbaeuj laep
Haeq lau aek soed faez
70
Vih duenh nanz bae laeuj
Raengq gaeu daeuj gueg caemz
Miz maz saeh goj yaeng
Lauj vangz gaen gaeu byaij
Doengh baez mbaeuj miz gwn
Daengh gwx mwngz bang caeuj
Gaeu hwnz siengj ngoenz siengj
Ij dox duenh mbaeuj baenz
71
Baenz saeq vunz baengz yaeux
Mwngz senq daeuj laj niz
Duz meuz ndae ndiq ndi
Baeq ciz ngaiz mwngz haih
Suenq gaeu mbaeuj miz caiz
Vih vangj laiz gim haeuq
Ok saeh cingz di haeuh
Ij cug baeuh cug diz
72
Aiq naeuz mwngz sim ndae
Gaeu yied caez yied yak
Baez naex sim cij ndat
Bangj saeh nap daeg raeuz
Yaeuq dwk baenz naex lauz
Hengz dwk gyauj mbaeuj gaez
Mbaeuj dingq yah gaeu naeuz
Baez naex gaeu cij cat
73
Mwngz gengq gueg mbaeuj deng
Gaeu mbaeuj hengz mbaeuj ndaej
Miz saeh cij suenq saeh
Cungj mbaeuj ndaej byienq ndang
Gaeu cungj naeuz ngi gvaq
Mingz mingz cax caeuq heng
Baenj faenh gueg mbaeuj cing
Gwnz rin bae coengq raeq
74
Gaeu raengq mwngz mbaeuj dingq
It dingh haeuj gyen lauz
Mwngz ij lau mbaeuj lau
Aeu lungz au bauj cingq
Doengh baeux vunz miz gyienz
Nanz aeu cienz cawx mingh
Ok saeh cingz hwnj daeuj
Mij vunz caeuq mwngz bau
75
Doengh gij vunz hag gvai
Daj rai cungj mbaeuj nginh
Dangh gung ngan yaq lingq
Gaeu gaeuj gingj naih rwz
Aen sim yienz mbaeuj fuq
Ij hag lwg gwnz gai
Mwngz mbaeuj rox ngaex ndae
Roeb daengz bae cij singj
76
Mbaeuj hawj gwx de bae
Cungj siengz saez mbaeuj dingq
Dangh naeuz de dai mingh
Gaeu it dingh mbaeuj fuz
Hawj daqz ma loengh gingj
Cingh luj dimh mba caez
Ij haeq gaiq gwx maz
Menh yaq daz mingq lingq
77
Baj bak mwngz dingj raeh
Miz baenj saeh gvuenj damz
Haq laeng gaeu gueg gvan
Goq bingz an guq gvaeq
Hix mbaeuj miz banq faz
Ij bae ma mbaeuj ndaej
Cingh aeu raeuz dox aiq
Mwngz saeuj maiq caemh nanz
78
De fam gij maz goq
Sawq mawh doq ngaiz gyaeng
Bangj saeh caengz dem caengz
Saed mbaeuj daeng dauh laex
Dangh gya caeh hawj vunz
Mbaeuj sinq mwngz cij yoj
Cax raeh miz daih baj
Mbaeuj ndaej gah soek gaenz
79
Aeu gyej demq goep
Mwngz nginh loek mbaeuj caengz
Dangh siengj coengq baeux gvan
Raeuz baiq dangz gyiet baeq
Mbaeuj gangj baenz lai gyae
Raeuz daih caez dox roeb
Aeu naj de baengz yaeux
Senj daeuj caeuh gaeu ranz
80
Dij gungz mbaeuj dij ngoq
Cungj mbaeuj byoq daez daeg
Benq bak mwngz rox yaeng
Gvan gaeu gyaeng mbaeuj coengq
Anq maiq baenz saeq vunz
Mbaeuj sinq mwngz yawj yoj
Haih gvan caiq haih yah
Mwngz gueg gyaj rox caen
81
Yaz maenz baz swq gai
Miz caenz lai dangq hoengq
Hoi bing daeuj baenz gyoengq
Cug daj foengq buenq hingz
Gaeu i faz banh saeh
Baez naex mbaeuj ndaej gvai
Saez naex yungh uj liz
It di mbaeuj ndaej doengh
82
Mwngz ij coengq mbaeuj coengq
Yawj byaeuq loengh byaeuq cang
Mwngz gyaeng gaeu di gvan
Caeuh ij han ok saeh
Dangh mwngz hengz mbae hung
Yaep daih lungz cungj doengh
Mbaeuj sinq mwngz cij gaeuj
Sien yaq caeuj vaez gyangz
83
Yaeuq gyun swq faz liz
Raeuz cungj miz goj gauq
Gwx mwngz di faz bauj
Gaeuq dox dauq cungj nanz
Dawz mwngz daeuj daengz naej
Ndaej mbaeuj ndaej lauj ciz
Hai funz daenz meuz gim
Mwngz baez cingz dauq lauj
84
Yangz vaenz gvangj di bing
Baenq haeuj bingz bae yaeuq
Coengq gvan gaeu ok daeuj
Caez dox caeuh maj ranz
Langz sim dang vungz daeq
Banh saeh mbaeuj gung bingz
Gyun minz mbaeuj duenz gyez
Raeuz caez ge dungq caeuj
85
Gaeu ndaej dauq ma ranz
Cenz gya dangz vuen haej
Aen cingz gaeu ij gaeq
Dwg cej saeq goeng lauz
Aeu meuz ma gueg saeh
Baenz rawz ndaej sim gam
Caek laiq gaeu vunz baz
Miz banq faz cawj aeq
86
Cenz gya ndaej duenz yienz
Raeuz yungh cienz fuq gvaeq
Yungh gaej lai cung ndaej
Baengh go faex ndaw ranz
Raeuz gvuenj ndae hwnj daeuj
Bauj cangz caeuq vanq nienz
Bauj hoq go de hung
Gaeu raengq mwngz saez naex
87
Go sungq ci vaenz caeq
Gangj daengz naej caeuh dingz
Vaeq swj saed miz sim
Raeuz doiq cingz mbaeuj hwnq
Anq caej bingz faenh raeuz
Gengq gongj daeuz dauq vaej
Miz gaiq maz soq laeuq
Cingj baengz yaeux bi bingz
88
Cingj raeuz daeuj daengz naej
Cau daih ndaej muenj cuz
Yiengh yiengh cungj miz gw
Coiq dwz cuz caeu dauq
Vunz baz dem vunz sai
Fung hauj lai cienz laex
Ndaej cung hiz gyau yaeuj
Raeuz go caeuj baengh mwngz
Gaeuj sam nienz ij goq
Bi moq caeuh doq daengz
Daem vaeq swj dox haen
Muengh gvaq laeng dauq daeuj
Raeuz yoz ciz dang cung
Ndaej baengh mwngz cix rox
Raeuz cung hiz gyau cin
Sim lienz sim gyiet gaenj
Daem sungh gauh bwz mangz
Daeuj daengz ranz saij fangj
Cuz hoq mwngz ndang cangq
Vih bauj cangq gung coz
Ngoenz naex raeuz rox naj
Cungj rang gvaq va lanz
Gaiq cing cinz mwngz luh
Coiq dwz cuz bangj yangq
口承文芸 