1
Sin gi gyienq loz cingz
Roeng enq mbin ma coh
Sienj ngoenz haeuj yonz moq
Bauq gung hoh mbaeuj dingz
脚
Hauj gwx maz ndae gaeuj
Maenh gyaq baeuq namz ningz
Bauj bae naj ing yungz
Naej cin bungz muenj soq
2
Bwz nenz ci daq gig
Vaeq sqj nij yienq maeuz
Sauq fuz hawj lwg yaeuz
Ndaej dauq daeuz siz yienq
脚
Cwk cauh baenz saeq vunz
Lwg lan mwngz fuq gviq
Raen yungz vaz swq saiq
Daih ciep daih mbaeuj yaeu
3
Hiz sin gi giz lip
Hinz cuz swq giq ngan
Giz sing cauq vaz dangz
Sin yanz yiz gyiuq mauq
脚
Lungz fungq hoh muenx ranz
Bauj bingz an diq iz
Daih caez daeuj naej gaeuj
Cungj baeux baeux canq yangz
4
Swq swq yungj an ningz
Gyun sim xingz si sangj
Cungz gim wz giq vangj
Gengq cangq goij caengz laeuz
脚
Saz giq hix naengz caeuj
Miz sae faeuh caej bingz
Laj mbun baenz raeuh vunz
Suenq gwx mwngz naengz ganq
5
Mungz ndaej guh ranz moq
Bauj gwng hoh fat caiz
Hek vangj vangj laiz laiz
Dangq gwnz gai cij suenq
脚
Goeng lauz cungq hi can
Hawj lwj lan yaek rox
Hauj gwx maz byiu liengq
Luj baeuq mienh daj hai
6
Bauj loeg cuk bingz an
Muenx gya dangz singq saeq
Baeux baeux cungj hab aeq
Yungj fuq avaeq yungz vaz
脚
Saed saen cingz cung haeuh
Raengq byaeu daeuj daengz ranz
Dauq cawq cungj riuz mingz
Luj gvaeq linz can caej
7
Doengh ngoenz naex saed caej
Sin gi haej muenj dangz
Gaiq gaiq cungj daih fan
Baej daiq can vanz cungq
脚
Rongh dangq foex hoi va
Mij gaiq maz ndaej baej
Daengz haenz de ndun yoj
Goeuj moq moq caiq sang
8
Doiq mienh hwnq yangz baiz
Cienz ngaenz lai luj mboq
Ngoenz ngoenz hwnj foj foq
Saed haeq soq fat caiz
脚
Bi bi miz fuk yunh
Lwg lan cungj saeng saiz
Gwn cenj laeuj naex diemz
Caemh naj riengz gya hoh
9
Hwnq deng dieg ndaeng lwungz
Cungj baej vunz lai lingh
Yungz vaz uz cij gingj
Sang gvaq dingj mingz can
脚
Suenq mwngz miz fuk haeq
Ndaej baenz saeq ing yungz
Daj baez naex dox bae
Saez baej saez ganq gingq
10
Boh meh guh hwnq ranz
Hawj lwg lan yangj caeuq
Niemh goeng lauz roengz daeuj
Muengh cangz caeuq gyienq gang
脚
Daih cenz daih gaej lumz
Byawz caeuq mwngz daq ganq
Gwn byiek yaek niemh mungz
Vih faenh mwngz ciq faeuq
11
Dieg naex miz faex hung
Ik gak vunz yiet raemh
Gyoengq boix nuengx yaeuq gaenh
Ndoej hat haemh siengx liengz
脚
Lwg ngez dem baeux laux
Ndaej daengz hauj liengz fung
Hamq mbanj miz rin bingz
Raeuz ndaej ing ndaej naengh
1
Sienj ngoenz hoi cangdiemq
Hek saeq lengq gvang limz
Sing bauq yiengj mbaeuj dingz
Bauj ging yingz daq git
脚
Vunz daeuj dwk rim ranz
Cungj hoi nanz dox byienq
Caez yiengq mwngz gung haej
Hek caenq daeh caenq dinz
2
Ngoenz naex dwg giz liq
Bauj saeng iq hing lungz
Bi bi bai maenz hungz
Caez yiengq mwngz gung hoh
脚
Fat caiz dox haeuj ma
Yungj yungz vaz fuq gviq
Muengh dauz yienz singq maeuq
Da yied daeuj yied mwn
3
Bauj fat caiz bae naj
Raez luj dah cangz gyang
Daengz daih lwg daih lan
Cungj cenz ranz fuq hiq
脚
Gunj gunj yangq dung liuz
Caez ge riu hax hax
Doengh baeux miz bonj saeh
Cij ndaej duk ciq hangz
4
Riuz cenz daih dem daih
Luj cangq haij baehq daeuz
Ngoenz daengz lwq hoi daeu
Hek doq aeu gyix gyix
脚
Gywnz cungq caez hab sim
Hix gung bingz maij maiq
Gaeuz ciz caiq gaeuz lingq
Cungj fueng byienh gyoengq raeuz
5
Coengz ngoenz naex bae naj
Saed cingq gyaq fanz yungz
Bauj saeng iq hing lungz
Dauq cawq vunz cungj aiq
脚
Yiengh yiengh cungj ndae hai
Sauj an baiz giq vaq
Hek gyae dem hek gaenh
Caez cungj haenh gwx mwngz
6
Cang byimj dwg hoz fuz
Hawj guq gwz hab aeq
Miz bonj coj miz laeh
Gwn baenz saeq fung yungz
脚
Yiengh yiengh cungj miz baij
Caiq gaiq gaiq muenj cuz
Vunz vangj vangj laiz laiz
Saed fat caiz yungz haeh
7
Yiengh yiengh hab gave gwz
Caiq muenj cuz gyunz cungq
Byienq daengz yaekgaenj yungh
Vaiq daeuj mwnq naex ra
脚
De ging cangz gyauj cingq
Dawz cang byimj gaij gwz
Go fatx naex hoi va
Mij gaiq maz ndaej luonj
１
Cuz gvaeq hinz fuq muj
Banq wz swj sin hwn
Gim hit dwz cingz gung
Gai cin bungz yenq vaeq
脚
Bawx moq haeuj daengz yanz
Cenz gya dangz ing uj
Bauq sing yiengj ox ox
Daeuj gung hoh gwx mwngz
2
Gyez ci cinz liengj gya
Gai hoengz va song duj
Luenz fungq hoz mingz fuj
Gvang saij duq vaz dangz
脚
Gaeu mbaeuj caengz raen goq
Ndae yoj dangq gwx maz
Raeuz daih caez sim vuen
Rongh luj ndwen cib ngux
3
Vaez fuq muj hinz cung
Gvang yungz hi ciq cangq
Canz swq gim wz vangj
Yungj fu cangq fuq saez
脚
Ndaej gyiet baenz it faeuq
Caez dox caeuq guh vunz
Faenh gwx mwngz song bux
Rang gvaq duj va lanz
4
Bwz nenz go hoz hauj
Cun dauq laeuj va hungz
Gyez swj ci ci fung
Swj hinz lunz soj vangq
脚
Song baeux gyiet aen yienz
Yungj yienj diemz dauq lauj
Coengz ngoenz naex bae naj
Dongq go gyaj fungz cun
5
Sienj ngoenz aeu bawx moq
Vunz gung hoh dwk rim
Song mbiengj caez gyiet cin
Mae caeuq cim dox riengh
脚
Ndaej gyiet baeq yien yang
Hek cenz ranz muenj soq
Gyoengq lungz au simj baj
Bauj bae naj an ningz
6
Daih caez daeuj gung hij
Doq giz liq giz cang
Yaeuq mwnq naex vaz dangz
Miz fungq vangz saiq swj
脚
Luj sik nij niuz langz
Cungj cenz ranz muenj iq
Bauj gwx mwngz gim haeuq
Diemz dangq haeux gyaux dangz
7
Daj ngoenz naex dox bae
Caemh dangq saez dem suj
Guh saeq vunz fu fuq
Diemz dangq gux rwi dangz
脚
Yaeuq cun saez boq cungj
Vunz baenx gyungq sim hae
Va lanz dwg coiq rang
Cap ndaw ranz mbaeuj mbwq
8
Ndaej gyez baiq sin hwn
Yunj ing yungz gim haeuq
Rongh dangq va sig laeux
Ndae dangq ngaeux bij lenz
脚
Dauz yienz naengz gyiet guj
Mbaeuj lau nguh miuz cun
Gvan baz ndaej dox bang
Mwngz cenz ranz cungj faeuq
9
Gyiet yien yang baenz doiq
Bauj vanq soiq ing yungz
Va bauq muenj diq hungz
Caez yiengq mwngz gung hoh
脚
Lwg ndaej bang goeng rengz
Nenz baej nenz vuen hoij
Ngoenz naex mwngz gyiet cin
Hek gvang limz go sungq
10
Ngoenz naex dwg giz liq
Cang hij baiq gya dangz
Ndumq cenj laeuj baeux gyang
Gwn gaiq dangz baeux gyeh
脚
Boh meh mwngz coengq sim
Hinz bau hinz vaez gviq
Dox caemh daiz gwn haeux
Cungj lai gaeuq mwngz rang
1
Bi gon ndaem gim cuk
Ndaej fat lwg ok rangz
Dax goeng ndaej umj lan
Raeuz cenz ranz vuen haej
脚
Ngoenz naex gaeu daeuj fungz
Yoj dwk mwn cup cup
Boh meh miz fuk haeq
Lwg ngoenz baej ngoenz sang
2
Ngoenz naex haeux noengj rang
Vunz muenx ranz gung haej
Gwn diemz gangj caiq foeh
Ndaej hwng saeq fanz yungz
脚
Ing yungz daih dem daih
Gwn gaiq gaiq diemz dangz
Go faex naex hoi va
Raeuz caez gya hab aeq
3
Naz ndae haeux cix fat
Gyaj hengz rag doq mwn
Lwg yied ngoenz yied hung
Aen sim nyungz luj faiq
脚
Gyau daengz haeuj saez cun
Yoj dwk nyungz fab fab
Ndaej miz baeux naj moq
Raeuz gung hoh gwx mwngz
4
Cenz gya cungj vuen nyungz
Muenx gyoengq vunz riu yumj
Miz lwg vang ndaw rumq
Yaek beq gwnq daeuq nda
脚
Coj goeng miz fuk haeq
Caez ge gaeq mbaeuj lumz
Bi naex nienz ndaej fung
Baengh aen mbun ndaej wngq
5
Gim haeuq mwngz mbaeuj yaeu
Miz lwg raeuz vuenh mbaq
Hoij lungz au simj baj
Caez ge naj hoengz riengz
脚
Bang gya muq hix ndaej
Caiq gvueng gaeq gvueng maeu
Song mbiengj couh baenz cin
Caez coengq sim lux gax
6
Faenh gwx raeuz baengz yaeux
Dox iu daeuj daengz ranz
Bauj bae naj bingz an
Daih caez ndang gyienq carngq
脚
Aeu vah guh saenx cingz
Yungj an ningz gim haeuq
Dix ae naex naj miq
Ndae gaeuj goq fungq vang
7
Gung haej meh lwg mwngz
Ndaej ing yungz gim haeuq
Roengh dangq va sig laeux
Da dox gaeuj cix riu
脚
Va yienz hoengz uj uj
Muengh vanq guj cangz cwn
Gya cawj hix bingz an
Caez gyienq gang cangz caeuq
8
Den saiz di swj nij
Seng daeuj cix coeng mingz
Cang laiz hwnj baek ging
Vih hinz minz banh saeh
脚
Lwg ndaej miz mingz daeuz
Boh meh raeuz gengq gviq
Bauj gya dangz mwnq naex
Yungj yienj ndaej gvang mingz
1
Coengq fung saenq bae ranz
Sawq baez cam gaeuj gaenq
Yaeuq dwk gyae mbaeuj gaenh
Mwngz hong yaengq lai rawz
脚
Byaij max daeuz mbaeuj roeb
Bae haw loeg mbaeuj yangz
Ngaex dwk haeux mbaeuj gwn
Dieg ndun mbaeuj dieg naengh
2
Fangz hwnz loq gvaq yim
An cix cin rox gyaj
Ngaex gaiq gyaez de gax
Yaek siengj gyaez de gax
脚
Mbaeuj gangj luh baengz yaeux
Siengj dwk mbaeuj baenz ninz
Byaij roen mbaeuj dox yangz
Duenh nanz fuz raen naj
3
Doh ruz doh daengz hamq
Goej buenq langq gyang gvaengz
Doh cix doh daengz haenz
Lau gvaq laeng cij ienq
脚
Haeq lau bae mbaeuj daengz
Ngaex singj saenz cungj sanq
Dangh buenq duz wz faeq
Vunz haeuj haeq mbaeuj baenz
4
Cawq sawq caebgz ndaem naz
Yaek ngoenz maz ok haeux
Gaiq vunz gengq roengz yaeuj
Siengj daeuj yaeuh sim senz
脚
Aen mbun mbaeuj ndaej gaeuq
Yaek baenz yaeuq bonq faz
Naej caiq naz ngengh dien
Raemx sawj yienz mbaeuj haeuj
5
Saez gonq liengz can bwk
Dem baeux cu king daiz
Sim saeh ndae lai lai
Yienh dai dox caueq moh
脚
Song baeux dox gyau cingz
Aeu hin sim gaeuq cuk
Daih caez ndaej dox rox
Yaek siengj dox caemh daiz
6
Daek haeux ma daengz daiz
Ngaex mwngz lai cix coengq
Gyaez meh lij gyaez hoengq
Gyaez nuengx doengh daengz sim
脚
Ngaeux duenh soi mbaeuj duenh
Cungj mbaeuj siengj haeux ngaiz
Yamq din haeuj ma daengz
Vanj gaem gaem caiq coengq
7
Mboengj aek sim cix in
Caemq din gyiuj haiz vaih
Guh hong sim mbaeuj caih
Doek naiq gaenj laeng mwngz
脚
Mbaeuj gangj luh baengz yaeux
Baenx baenx mbaeuj an ningz
Gaeu dangq duz bya daemz
Ngoenz maz raen daq haij
8
Doiq haw mbaeuj raen naj
Lumj saeq haj cib ngoenz
Vanh baenx baenx mbaeuj doeng
Ngoenz gvaq ngoenz yiet yiet
脚
Yaek bae cimh hix gyae
Ngaex daiq gyaez lux gax
Aen sim daeuz baeux mbiengj
Hawj gaeu siengj dwk loengz
9
Guh vunz mbaeuj doengz vunz
Dieg ndun mbaeuj dieg naengh
Dan lij gaeu hat haemh
Yaek ndaej baengh baeux rawz
脚
Yaek ngoenz maz guj cung
Vunz baenz gaeu di ndang
Vunz baenz gaeu di ndang
Lwg baeux sang baeux daemq
10
Vunz cae naz gyeq lueng
Goeu goenq fuengz caengz fonj
Ngoenz ngoenz mbun mbaeuj rongh
Yaeuq yaek onj dwk rawz
脚
Mbaeuj gangj luh baengz yaeux
Siengj daeuj yaeuh sim suen
Gog yaeuq cix gag yaeu
Ok bak daeu bae ndomq
11
Gaeu ndaej byienq duz yungz
Cungj bae cunz din riep
Ndaej byienq roeg ciq ciep
Bae max daeuz mbaeuj roeb
脚
Bae max daeuz mbaeuj roeb
Bae haw loeg mbaeuj fungz
Gog yaeuq nienz gvaq nienz
Ngaex si liengz yiet yiet
12
Ngaex dwk loq fangz hwnz
Ndaej dem mwngz dox gangj
Rox singj ranz rongh vangj
Sim ndat dangq faez loz
脚
Hwnq diemj daeng dwk gaeuj
Baz maeuq maeuq mbaeuj fungz
Gog ngaex gag daem laemz
Dwk singj saenz cungj sanq
13
Dwk fung saenq bae mwngz
Dangq dox cwnz baengz yaeux
Ndaej ciep daengz di haeuh
Muengh doiq daeuj sieng fungz
脚
Ngaeux gat soi mbaeuj duenh
Song mbiengj mbaeuj dox lumz
Duenh nanz mbaeuj dox han
Cix baez cam emq gaeuj
14
Bae cix bae luh caej
Yaeuz dieg daeh naih maz
Daengz laeng baengz yaeux gya
Yaek dauq ma hamq vaiq
脚
Sim saeh yienz miz lai
Vih gaeuj saiz gaeu naex
Aeu hinz sim roengz bit
Goej dox vit mbaeuj caz
1
男
Yaeuq ranz ndui meh baj
Ngaex cingq gyaq liengz si
Ngoenz lwenz bae gaej giz
Cungj ndui miz saek lengq
脚
Gaiq gaiq mbaeuj doengz vunz
Saed doiq mbaeuj doengz vunz
Yaek byienq vunz hat haemh
Caeuq gaeu yaenq mbaeuj niz
2
女
Lumj mwngz naengh naej yaeuq
Gaeu menh caeuq mwngz ra
Yaep cingz bae dauq ma
Bau mwngz caz ndaej ok
脚
Mbanj gwnz miz dax sam
Caengj bae cam yawj gaeuj
Nienz yienz ndaej ngaeh gaej
Doq yaek haeq gaiq maz
3
媒
Gaez naeuz bae laeng gvan
Yaeuq ranz do rawz nex
Dingq haiz rawz nuengx cej
Hoij boh meh bae law
脚
Vunz raen mwngz cix haenh
Hix mbaeuj daemq mbaeuj song
Daeuj gangj goj saek ngoenz
Hoij dax goeng dax geq
4
女
Meh gaeu bae sauz baengz
Daeuj guh caemz rawz baj
Naej maz vah goj yaeng
Miz maz vah goj yaeng
脚
Sing mwngz moq mwt mwt
Doq faemh fwt daeuj daengz
Gaej hoz daeuj laeng gaeu
Baenj dieg raeuz sug naj
5
媒
Miz baeux hek ndaw ranz
Hawj daeuj cam doengh nuengx
Raen dingq haiz baenz yiengh
Sim yaek siengj gyau cingz
脚
Vih byaij mbaeuj dox roeb
Caiq mbaeuj ok haw hangz
Din fwngz rox siuq va
Hauj gwx maz ndae liengq
6
女
Lwg byawz mbae dingj hung
Daeuj iu vunz lig laeh
Fanh ngaenz coj cij ndaej
Gaeuj cien gaej mbaeuj baenz
脚
Baenx lai di naengz ganq
Daeuj rungh mbanj ra vunz
Maj naeuz gwx de ngi
Miz mbaeuj miz baenj saeh
7
媒
Va maenj daengz saez hai
Va mai daengz saez hah
Dungz iq bae luh bax
Raengq bae ngj vuen yungz
脚
Bi gvaq bi vangj vangq
Caemh yaek vanh haeuq laiz
Vunz baenz mwngz doengz ban
Faex hwnj rangz daih baj
8
女
Dax baj dingj rox naeuz
Dwk sim daeuz gaeu lanh
Gax sim daeuz gaeu lanh
Angq mbaeuj gangj saek maenz
脚
Haeuj caeu mungz doq sih
Baeux rawz cix mbaeuj yaek
Gaeu hauj lai doih va
Cungj miz gya miz dangq
9
媒
Dangh naeuz nuengx miz sim
Cix gaen din gaeu daeuj
Mwngz baenz sueng baenz faeuq
Gaeu riuj raeuj maeu maze
脚
Gwx mwngz gag dox gangj
Dangh ngamj menh gyau cingz
Muengh saeu ndaej baenz gya
Rongh dangq va sig laeux
10
女
Cij naeuz miz hek daeuj
Baeux de yaeuq mwnq law
Guh hong rox doeg saw
Yoj din fawz de gvaq
脚
Menq mauq ndaem rox nding
Caengj baez cim emq gaeuj
An maeuq rawz di lwg
Dwg mbaeuj dwg vunz ngawz
11
媒
Baeux de yaeuq ranz ding
Mwngz gag cim gaeuj gvaq
De wx mwngz cix ax
Gaej haemz yah gaeu aeu
脚
Mbaeuj dwg lumj ran raemx
Cungj baenx baenx ndaej bingz
Yaek gyiet baeq aen yienz
Sien cang liengz gangj gvaq
12
女
Dax baj haeuj bae naeuz
Soj laiz gaeu cij daeuj
Baex mwngz naengh naej yaeuq
Ndaej gwn laeuj rox caengz
脚
Guh gaiq maz di saeh
Yaek yaeuj vaej yaeuj daeuz
Ciep ndaej vah gwx mwngz
Raengq daeuj cwnz baengz yaeux
13
男
Nuengx mwngz daeuj daengz naej
Dangq raemj faex sunh rumz
Haeux cungj mbaeuj siengj gwn
Lau mbaeuj dungz cawj aeq
脚
Siengj raen naj gwx mwngz
Hoj nanz fungz gi vaeq
Meh baj naeuz luj naex
Ndaej mbaeuj ndaej cingz gung
14
女
Iu gaeu daeuj dox cunz
Cam gwx mwngz baengz yaeux
Miz gwx maz faen faeuq
Yamq din daeuj daengz ranz
脚
Yaek miz maz goj gangj
Vaiz cij ngamq haeuj lunz
Gaeu vunz baz di ndang
Gag soj nanz liengj yaeuq
15
男
Gaeu ngamq naz maeux baj
Lienz ra gyaj mbaeuj miz
Naej fung sanj diq gi
Siengj ciq di haeux ceh
脚
Gag ngaex gag sim senz
Gaiq dwg rengz de gax
Sawq cam mwngz baengz yaeux
Ndaej bang caeuj mbaeuj niz
16
女
Dungx imq gah haeux faengx
Ndaw ranz naengj hix miz
Noh gaeq gwn dwk fiz
Ngah noh biz cix gyaj
脚
Faex soh gvaq vunz ing
Rin bingz vunz senq naengh
Daeh miz ngaenz baenz gox
Bae cawx noh gyaj si
17
男
Bya lingz daj mbaeuj cengh
Lij bae henx ngawh rin
Cingh aeu mwngz miz sim
Hinz bau hinz vaez gviq
脚
Bit iq ndun hamq daemz
Ngoenz maz daengz haeux henj
Naek mbaeu caez ge yaeuj
Suenq song baeux caenh cingz
18
女
Aeu diet ma daengh gim
Doiq liengz sim mbaeuj gvaq
Cing mingz cij byok gyaj
Goj naengz gvaq miuz cun
脚
Mbaeuj gangj luh baengz yaeux
Yaek baenz yaeuq gung bingz
Cingh lau naeuz ndaem laeng
Haeux mbaeuj baenz de gax
19
男
Yaen dawz gaeq bae gwn
Vut gaiq bwn rog cah
Vunz dimgh daeuz guh yah
Laeuz gij yaq hawj raeuz
脚
Baez naex raeuz yoj hoengq
Lw ndaek roengq hawj vunz
Ngaex daeuj saed daem laem
Vaih singj saenz meh daj
20
女
Dieg raeuz yienz ndaem aej
Nanz ndaej baej naz gaiz
Ngoenz lwenz bae baij gai
Cungj lij hai mbaeuj doek
脚
Gag vunz gangj hauj lai
Saed baenj laiz mbaeuj faeh
Cungj lau naeuz ok daeuj
Haeq soq mbaeuj fat caiz
21
男
Gaeu miz rek mij fa
Mwngz miz laz mij sak
Daih caez sim cungj ndat
Dangq diuz rap baeux gonz
脚
Daengz saez naex di haeuh
Cungj caez mbaeuj cingz gya
Vih yaeuq nienz gvaq nienz
Gag aen yienz mbaeuj hab
22
女
Ngaex si lingz yiet yiet
Dangq saeq yied rai vaiz
Ndaej rox roed baenz lai
Hab caemh daiz gwn haeux
脚
Byaij yamq daemq yamq sang
Saed sim fanz daeuq ciet
Mbaeuj gangj luh baengz yaeux
Yaek baenz yaeuq an baiz
23
男
Boix dem nuengx gyau cingz
Lau naeuz sim cij byienq
Dangh mbaeuj doengz iq gyienq
Baez de ienq mbaeuj lumz
脚
Vah goj naeuz baenz naex
Ndaej mbaeuj ndoej gung bingz
Daeuj baenz ngoenz roen gyae
Cij daih caez gyenq mienq
24
女
Caen gim buq baq huj
Aeu song bux dungz cingz
Yungj yienj mbaeuj byienq sim
Caez an ningz vanq saeq
脚
Ndaej dem baex caeuh ranz
Caez dungz gam gunq guj
Raemx cimq rin mbaeuj haeuj
Caez cangz gyaeuj hoz bingz
補足
8
Gung hoh mwngz ndae hai
Ngoenz ngoenz caiz cungj haeuj
Gyoengq cin bungz hauj yaeuj
Bauj gim haeuq yungz vaz
脚
Caiz yied ngoenz yied daeuj
Vunz yied haeuj yied lai
Saiq soq naej di vunz
Caez yiengq mwngz bwz caeuj
口承文芸 