男
Siuj mingz Couhgojliz.
Cangz rim bi guh gyax.
Gaiq sihliengz gou gax.
Gwnz laj mij vzcnz doengz.
脚
Swnghhoz fuz ih gauq.
Baengh meh Laux vaezciz.
Ngeih douj gya caiq qungz.
Mbouj miz vunz coh gvaq .
女
Meh seng mbouj rox seng.
Haq daeuj deng doq couq.
Geij mgoenz bingh laemx gyaez.
Mij vunz gouj lwg nding.
脚
Doek laek vunz gen raek .
Gag bek aek sim senz.
Beij seng lwg vunz baz.
Nem ma bae Lingh mouq.
男
Gou dangq gaeq bwn ndoq.
Baenx youq goq doeng hanz.
Gouiqgaiq meh gag dang.
Gaiq sim fanz fuz beij.
脚
Dangq caen youq seng senz.
Miz maz sien ceih qoq.
Gya gungz youz swqgoj.
Mbouj miz boh gan nanz.
女
Mingh gou mbouj baenz mingh.
Daenj gyaep dingx mae raiz.
Haeux noix naeuz gwn lai.
Gvan dai naeuz mingh sat.
脚
Yaek baenx youq bonh boh.
Siengj cughoz diuqgingj.
Caiq caeuq vunz luenhgangi.
Boihseiz famh sam cai.
男
Meh daej mbouj ok sing.
Guh dwk sim muenhluenh.
Cingh dwg rengz gaeuq suenq.
Daj iq ciengx daengz hung.
脚
Ok nyouh let lag daej.
Senj mwnq mbaeq de ninz.
Gungz haeux caiq gzngz ngaenz.
Ngoenz baz gaen baz buenq.
女
Rek haeux lumj aen daemz.
Caenh cug gaemz cug bwnq.
Boux meh dungx imq wt.
Naej boux lwg lij ngon.
脚
Mba sawzminz guh donq.
Cub gouj faenh mbouj raen.
Cawj byaek youz mbouj lauz.
Gwn hauhauz cwtcwt.
男
Naed law haeux cij bwnq.
Meh gag ndumq raemx raez.
Haih ndang daej mbouj ndei.
Baenz lawz bae lauzdungq.
脚
Gaiq diemz bwnq couhgoj.
Meh dam doz cah dungx.
Fannda mbouj liz gumq.
Gaeq han hwnq cix bae.
女
Seiq vunz lwgnyez vaj.
Daet buh vaq ma rungz.
Heiq lau loh dwg rumz.
Bingh fat fung noh ndat.
脚
Boh gag bae faenh de.
Gauq di nyez cieb naj.
Dangh bingh mbouj ndaej gaeuq.
Yaek baenz youq gyoengz mbwn.
男
Gou ndang rouj remrem.
Meh daenj benq dan cieng.
Cib ngeih nyied mbwn lieng.
Meh caux fiengz dwk byoq.
脚
Ok saet raq rumz yaem.
Raen ndang saenz gvenggveng.
Daj cim doeng seiq gaeq.
Cungi lumj neix gingciengz.
女
Goiq dwg rengz vunz maiq.
Gaiqgaiq gvaq din fwngz.
Cae rauq cix gag dawz.
Ok ngoenz haw cungj hoj.
脚
Hong rog caiq hong ndaw.
Fuz ngoenz lawz swhcaih.
Daj daih caeux daengzlaep.
Mbouj hongq yaep lumj lawz.
男
Gaiq lawz diemz cij cup.
Aemq gumq dwk daengz hung.
Mbouj daej baenz lai yung.
Gou mbouj lumz law meh.
脚
Niemh cingz meh gou ndei.
Aeu gim boiz mbouj hwnj.
Roeg inghyungz baengh faex.
Gou seizneix baengh mwngz.
女
Daiq vaiz cungj yawj cat.
Yaep rag hwnj haenz.
Gag rauq caiq gag ndaem.
Gag ngeix haemz gag daej.
脚
Ndaw lueg mwnq mbouj aleng.
Cungj dangq henz mdaem ndak.
Cingh ngeix sim cingh vaih.
Cingq saed daiq daemlaemz.
男
Mij ma aeu meuz rouq.
Yaek baenzyouq guh gwn.
Gou miz boh lumj vunz.
Mbouj daengz mwngz cae rauq.
脚
Go de yaek ciengx vunz.
Swyienz mbwn rox gouj.
Maih hanz boux lungzgoux.
Mbouj daeuj caeuq bang hong.
女
Cungj laxlaemz lax lwenq.
Ngeix yienghyiengh cix vaeng.
Caiq daj ciengx mbouj baenz.
Vunz youxnaengz dijciq.
脚
Goq doeng mbouj ndaej sae.
Caenh gag ae riengz gvuenq.
Ndaw ranz saw lumj gingq.
Baenxyouq cimh maenz ngaenz.
男
Sawzminz mbouj haeux maex.
Yaek ndaej ciengx duz maz.
Mou sam bi va gva.
Yaek aemq nda cungj ndaej.
脚
Sam roeg caiq roek nou.
Sojlaiz mou mbouj gaeq.
Lwg dwg raeuz hong nyaengq.
Dam doz raemh lwg da.
女
Caeuq vunz gangj mbouj ndaej.
Ngeiz mehneix dauzvah.
Cam saek caenq gwxmaz.
Vunz dawz ma guh goj.
脚
Raen raeuz mbouj miz gvan.
Caeuq vunz dam sied daej.
Deng boux de miz yah.
Caiq yaek vah daeuj va.
男
Hoij vunz miz faex hung.
Ndaej baengh rumz yiedraemh.
Gwxraeuz najbyak daemq.
Singq Heiq naenx sat lu.
脚
Naj na fuz soj vaeq.
Liengh mbouj ndaej dai vunz.
Byawz bangj meh saeh hung.
Daengz gou hung bae gaenq.
女
Ciengx daengz caet bi cuk.
Diuz yapyuk caiq daengz.
Mbouj bae baiq singq saenz.
Gaenlaeng vunz gouj cat.
脚
Rox mbaek reih mbaek naz.
Meh dai da laep coep.
Soengq mwngz bae yoz yauq.
Rox leix dauh coj baenz.
男
Ndaej soengq bae hag gangz.
Mbouj hengzmanz gyauhngauq.
Dingq lauxsae son gyauq.
Cingj bouxlaux cuengq sim.
脚
Moix it yok giz gauj.
Aeu sanhhauj ma ranz.
Aeu cungh bangj daeuz mingz.
Mbouj biet sim fanznauj.
女
Reih maz noix gvaq vunz.
Daj duenj goungh ma bouj.
Daeng donq gag gwn haeux.
Vaiz lwnz haeuj caemh ma.
脚
Vunz suenq mingh mbouj couh.
Vunz cij fouq daengz mbwn.
Haj diemj cuengq hag dangz.
Yaek ma ranz dingh youq.
男
Cug ciemh miz nienz geij.
Mbouj lau heiq doek congz.
Cuengq sim bae guh hong.
Mbouj yungh gongz lzaeuj heiq.
脚
Dangh gag youq lau yaemz.
Bae guhcaemz cimh doih.
Aiyu meh gou gax.
Ciemh ngoenz maj ciemh byom.
女
Haet hwnq gae han sam.
Ma ran daengngoenz doek.
Vunz gwn couz fodfod.
Lwg dae rog bak dou.
Vunz gungz gong rengz cienh.
Cungj mbouj gyienq daiqyangz.
Bae liengjgyangh dauq ma.
Laep raz da siujloeg.
男
Diqgiuz cen saed heih.
Doq daengz ngeih cib cin.
Yaek ra saek boux vunz.
Da yiem gungz mbouj daeuj.
脚
Ndaej cauh naz song cin.
Nanz guh vunz bak seiq.
Doengz it aen dien deih.
Cungj faen beiq nbouj ywnz.
女
Iq miz iq di bing.
Hung miz hung hoj gej.
Saenxcingz mbouj lexsex.
Gou guh meh da raiz.
脚
Gya fouq aeu naj gvangq.
Dawz boihnanh vunz gungz.
Gungz haeux caiq gungz ngaenz.
Rox yaek baenz lawz veh.
男
Banh hijswq ma naeuz.
Congz gya raeuz gaujliq.
Rek iq fa caemh iq.
Banh unh lij gyienj danli.
脚
Gaej gaen dangz caemh goq.
Saek geij doh saej mou.
Yienz bonj yungh laeuj daeuz.
Yienghyiengh raeuz cix ciq.
女
Saenxcingz mbouj luenh yungh.
Hoij unz cungh lailai.
Din iet vunz laj daiz.
Gyienj lai ngaiz vunz lwnh.
脚
Bet boux caeuh it daiz.
Youh anhbaiz caet mwnq.
Byak cungj mbouj gaeuj soengq.
Dawz ngj haemj haex vaiz.
男
Meh gou ngeix dwk ueng.
Ngaem gok ciengz bae daej.
Gvang dan diuz soengq leix.
Gai ndang daej sam bi.
脚
Seiq vunz mbouj miz yah.
Byouq bae naj sim vuen.
Gaeqhangj cungj ndwi miz.
Yaek fanzciz byouq ndaej.
女
Ngeix gyaegyae caiq gaenh.
Heiq dangq raemx dumh mbwn.
Lwg gou ndaej gyiet hun.
Cij miz vunz dingj coj.
脚
Vunz gung cawq mbouj qungz.
Gvaq laeng vunz coj haenh.
Dawz caiq fuz soj vaeq.
Yaek aeu ndaej doengz gywnz.
男
Soq yied suenq yied saw.
Ganq cienz dawz gvanq haj.
Meh dwg rengz do gax.
Dij yienh yah mbouj aeu.
脚
Gya sam caiq gya seiq.
Moenz dawz leih coiq ngawz.
Gvaq laeng mbouj miz boiz.
Yaek youq ndei bae naj.
女
Vih senzduz dox bae.
Goj ciz seiz daj suenq.
Beij mwngz miz doiqsiengq.
Gou cungj siengj banq faz.
脚
Lij iq gyax cix gyax.
Vih bae naj raen ndei.
Boux vunz aiq boux vunz.
Gungz dem gungz caeuh gvuenq.
男
Meh yiengh neix cijcangh.
Lwg foihcangz muenj iq.
Mi dah nij dungzciq.
De heuh lij Yezngoz.
脚
Mbouj yiem raeuz gungz gyiq.
De miujciq gunqnanz.
De haq daeuj laeng raeuz.
Gyietdingh aeu vaez cij.
女
Gou cam Veiq Swhyienz.
De miz cienz laujbanj.
Diuz soengq leix ma gangj.
Goj naengz banh ndaej daengz.
脚
Ciq bob cungj ndaej rap.
Daj mwngz bak rox cien.
Ranz de daih fouq ung.
De dwg vunz mbanj cangq.
男
Baenx de miz banqfaz.
Bae ciq ma lu meh.
Ndaem naz lau bae ceh.
Youh ngaiz deq gyaj lw.
脚
Ndaej miz cienz soengq leix.
Gou caeuj ndaej baenz gya.
De hawj raeuz caemh aeu.
Saej mou cug mbaenq veh.
女
Ndei gaiq mbouj ndei gaiq.
Dawz caiq daiq vaenqdiz.
Guh hongj dingj sam bi.
Gag vaezciz lu nw.
脚
Fanz soj yungh saenz cingz.
Miz yienq gimh cungj vaiq.
Banq faz siengj dwk caenh.
Meh baenxbaenx cungj gvih.
男
Ndaej banh baenz hij seq.
Dangq cibngux donzyienz.
Siengh gangj haemh goj diemz.
Caiq si liengz boux meh.
脚
Muengh gvan baz dox bae.
Ndei dangq seiz dem suj.
Muengh dien cangz diq gyouj.
Ngaeuj doiq ngaeuj bij lenz.
女
Ngamqngamq senj dieg moq.
Fangxhwnzloq baenz hwnz.
Gangj goj mbouj miz vunz.
Muengh vaiq mbwn ranz rongh.
脚
Dieg seng vunz cix seng.
Gaiq sim senz gag rox.
Cix mbouj dwg dungx mbaeuq.
Rox cix youg guh cwng.
男
Hoij vunz gangj bya noh.
Suenq baez moq feih rang.
Ngeix yaek siengj dungz fangz.
Caengz dangq ndang boux meh.
脚
Dauq beij gou guh boh.
Dem goj yez gang goj.
Ngeix daengz yiengh caiq yiengh.
Cinq diuq liengj daeuz nanz.
女
Hoji nouj dingj yingyungz.
Mij rox vunz ngamq daeuj.
Duz meuz nex caemh raeuh.
Mbouj ma caeuq vunz he.
脚
Gaiq sim song de gax.
Cungj diuq laj dawz gwnz.
Cib bet gouj di vunz.
Dwg cinghcwnh cingqdaeuj.
男
Yienz rox roeg laxceiz.
Gej hoz bae coj ngamj.
Muengh gwn donq imq anj.
Menh kwnj hamq ma ndwn.
脚
Sinh hunh vah yez yeq.
Souj yaek deq gaenh feiz.
Fat siengj daengz meh gou.
Aen sim daeuz diuq damj.
女
Aen neix dungx funghloz.
Cungj fuz hoz fat cwngq.
Boh de ming saengq sungq.
Mbouj raen yungh saek baez.
脚
Ngamq gyauhhiq lai lingh.
Hoz bez cingh doi doz.
Vunz ngawz mbouj miz yw.
Iek mbouj gwn yaeuh dungx.
男
Soengq noh daeuj hwnj heng.
Mwngz hoz gyengz mbouj gvaiq.
Ngeix daengz meh cix naiq.
Laeuj mbouj gaij caen souz.
脚
Noix di cungj mbouj haenj.
Yaek siengj caengh hamq rengz.
Meh lij youq laeng vunz.
Cijcungj mbouj ndaej gaij.
女
Haij mingz cam Siujcouh.
Gaej naeuz gou bak myeuq.
Aeu bya daeuj cimh meuz.
Ngeu mbouj ngeu ndei gangj.
脚
Bya raez mbouj gvaq fwj.
Nanz miz mwh fung sou.
Namz yinz daq cangqfuh.
Gaij doi swz luenh gyeuj.
男
Nienz goij raeuz laj noix.
Yaek gaenj heij gwx maz.
Ndaej cawx meh raeuz ma.
Gyong caeuq laz menh mbongj.
脚
Hoengz mingh gvaq laeng gou.
Sou you daw bae.
Ngaenz sam bak roek liengx.
Muengh caeuq siengj banqfaz.
女
It cin youh it cin.
Aiq seiq vunz siet bouh.
Yauq meh mwngz sat laeuj.
Yah gangj youq laeng rwz.
脚
Gvaq hauhseng cix sat.
Va mij bak ngoenz hungz.
Ngoenz vuenheij mbouj miz.
Bi gvaq bi saez houh.
男
Gou yawj << Yauq rwz gingh>>
Bauq aen cingz boh meh.
Bi ywnh sam bi aemq.
Ngoenz maz geq goeng lauz.
脚
Lumj “ Vangz siengz ” goq giq.
Sez lij mgoq hanz dingh.
Bingh daeuj cingj cangh yw.
Mij hoj gz rawz ni.
女
Mbouj bingh cungj naeuz bingh.
Caengj gouj gingj fangz ma.
Duet buh hawj yaemh sa.
Gouj laep da rox rong.
脚
Dangq caen meuz raen bya.
Cauj mbouj va mbouj sinq.
Yaek miz maz soj vaeq.
Gaiq neiz saeh gvan baz.
男
Dangh naeuz caen fat sa.
Ra gwng ma caengj gvet.
Gvaiq ndaej sau cib bet.
Haeu hek dangq gwx maz.
脚
Liengq raen mwngz duet bu.
Caenh lumj duj va hoeng.
Hauh lwg da mbouj raen.
Mb suenq faen hoeng beg.
女
Bakbak cix meh gou.
Hozbez aeu gou daeuj.
Gag vunz ninz gag mouq.
Dangq goep fouj naz fwz.
脚
Hingq fuz mbouj miz faenh.
Uengj dox caemh gwnz caeuz.
Gingh gauh mbouj miz sim.
Daj danh sinh ndaej mbouq.
男
Miz gaeq coj miz gyaeq.
Miz faex coj miz rangz.
Rok ran ciuq rok ranz.
Lwnz raeuz dang cienh goet.
脚
Miz vaj coj miz baengz.
Niemh goek gaen coj ndaej.
Dangh naeuz cungj ok ceh.
Lwg riengz meh maz fanz.
女
Gangj dauhleix geij cang.
Cungj caemh ban neix goj.
Caj maj cam dax boh.
Itj dingh goq lwg sau.
脚
Dangh de ndaej caeuq gej.
Vaiq heuh meh ma ranz.
Gou nginh mwngz guh gvan.
Gangj wnghdangh suenq soq.
男
Dangh ndaej miz banqfaz.
Vaiq bae ma cam gouj.
Boh de ndaej wngq souj.
Gvaqhouh niemh mbouj lumz.
脚
Dangh naeuz mbouj ca gaenj.
Cungj caemh daengj mbouj ca.
De doiq lwg miz cingz.
Raeuz gvan sim lauxsouh.
女
Caeuh it yienz veiz dingq.
Vaiq maj cimh boh gou.
Gyahmuq yaek couz mouz.
Gaej hawj mou dai iek.
脚
Gou vaiq bae vaiq ma.
Yaek caez gya sieng sinq.
Cung bak faenh cix bak.
Ndaej wngqdap gwx raeuz.
男
Haeuj va gyaz bineix.
Muengh soenj gae sizsiz.
Yezngoz haq geij bi.
Mbouj raen miz cingzcik.
脚
Sim cungj siengj yauhgouz.
Bak yaek naeuz mbouj ndaej.
Nienz laux daengz siuj gvij.
Lumj hojcij bae di.
女
Ndang cangq lwi dax boh.
Gou miz goj cam mwngz.
Haq bae deng gya gungz.
Caiq caeuq vunz baezcaiq.
脚
Dwen daeuj cix vi vunz.
Mbouj gangj mwngz mbouj rox.
Ra ngaenz bae cawx meh.
Caengj haeux ceh raen cin.
男
Miz gaiq maz vaenqdiz.
Mbouj naeuz nyi byawz rox.
Daj dingh cien fanh soq.
Youz dax boh gaij gyez.
脚
Gaiqneix ndei mbouj yak.
Gungj ing hab senq di.
Namz fangh rox fuq goh.
Yw ndei hoz buq goj.
女
Bae laeng Vae Swhyienz.
Ciq cienz ma soengq laex.
Meh gou boiq mbouj ndaej.
Coj yiengh neix gain dang.
脚
Goi ndang bae dingj caiq.
Ngeix daeuj daih siliengz.
Bouh caiq neix ndaej dienz.
Gou donz yenz fuz saeh.
男
Lwggwiz gou yauq swnh.
Gaeuq gamj dungq boh da.
Vaiq dawz ngaenz bae ma.
Caengj baenz gya doengz doih.
脚
Sam bak roek liengx ngaenz.
Caemh dangq faen sou yungh.
Mwngz senq naeuz nyi heih.
Mij feiq heiq doh lah.
女
Boh gou ceiq sim ndei.
Vaiq bae boiz yienz vaiq.
Bae naj mbouj miz caiq
Ganj gvaiq gienq gyahyienz.
脚
Daidaz ndaej hojsik.
Meh de nit miz feiz.
Ciengz damz boh meh sim.
Gij aenciengz lumj haij.
男
Mwngz bae cam boh da.
Ngaenz ndaej ma laq daex.
Ngoenz gvaq ngoenz saedceij.
Cungj mbouj ndaej an ninz.
脚
Raen diem din loq deih.
Vuenheij dangq gwx maz.
Miz daubug ndaw sim.
Daiq roengz ninz cungj ngeix.
女
Ndei mbouj gvaq boh gou.
Mwngz yaek you maz nex.
Gunq nanz de bau hej.
Bae heuh meh raeuz ma.
脚
Boh rox mwngz yauq swnh.
Caen gamjdungz sim daeuz.
Caiq sij hauk coh mwngz.
Yaek da mungz raw me.
男
Baenz de hya hab eiq.
Gou cungj ngeix dwk byom.
Cuengq sim bae gu hong.
Gou mbouj goengz saek gawq.
脚
Ndaej goijgyez diuz cienz.
Couh donzyenz baenz seiq.
Mbouj liuh daengz ngoenz neix.
Mwn mbongq miz fwj fong.
女
Ngaej ngaenz ma baenz rup.
Sujbaq duk hawj gou.
Guengq henz vanj yiengraeu.
Menx hoj you vunz caeg.
脚
An sim bae guh hong.
Gaej yungh gongz yap yuk.
Hawj coj goeng caeuq gvuenj.
Menx vunz luenh siuj douh.
男
Dawz bae boiz lauj vaeq.
Meh caeuh ndaej dauq ma.
Caeklaiq miz boh da.
Ndui gvan haz laengj yaengj.
脚
Ndaej yiengh neix banq faz.
Raeuz caez gya vuen heij.
Raeuz dienh cangz di gyouj.
Dangq sigloux hai va.
女
Fanz dwg nienz geij sang.
Raeuz inghdangh dingqcung.
Gvan baz bae lauz dungq.
Caj baujcwngq fungnienz.
脚
Nienz laux nei caudaih.
Cienz hoij daih lwglan.
It bi ndaem song miu.
Muengh fungdiuz hijswn.
男
Yezngoz di boh da.
Hawj ngaenz ma baenz rumq.
Gou caeg dawz bae yungh.
Sou gyienj gyungq daej ngeiz.
脚
Fungh ramz lumj rongz gaeq.
Caek laiq suj dou faz.
Majcangq cawx cauhyaz.
Laeuj sam va gawq ndumq.
女
Doeksaet ngaenz mbouj raen.
Mwngz cingq caen fuz doh.
Dawz giz lawz bae ndoj.
Rox naeuz doj liux lu.
脚
Mwngz hab dai hoz fog.
Cingh saemh goek saemhgaen.
Caiq cuengq henz vanj yieng.
Bet sien cungj mbouj rox.
男
Mbouj neix miz loeg byonj.
Ndaek diuz lonj boh da.
Ndaej ma mbouj ndaej ma.
Miz gwx maz gyienq cwngz.
脚
Caiq gangj gou ndoj ngaenz.
Daih cib faen mbouj onj.
Gaeuq cib faen caep cuij.
Guh dwk swix mbouj gvaz.
女
Congjmingz dwk mwngz yo.
Byouq vaiq goz daeuj caeg.
Guh vunz mbouj laux saed.
脚
Loek yaek gvih mbouj gvih.
Caenq mwngz gengq gyo.
Dangh naeuz mbouj dwg mwngz.
Vih maz bywngx doek saet.
男
Youq neix mbouj ok haw.
Gou dawz law bae yungh.
Gaej dwg hoz gou hwnj.
Yaep caenq cungj dwg in.
脚
Mwngz guenj bak hamq mengx.
Mbiengj gemj aiq laeng fawz.
Guh ngauq singq congz.
Cij lai coenz dem cwngq.
女
Mwngz cingq saed ngaz caz.
Yawj vunz baz guh saeh.
Lungz goux gou youq neij.
Mbouj raen raeq mwngz hung.
脚
Hauh maenz cienz ndwi haeuj.
Gwn laeuj lumj vaiz byaz.
Maih gaem gyienz mwngz hung.
Doq lau mwngz laq daex.
男
Cenj laeng ra biengz nyouh.
Baengh lungz goux ga vi.
Caiq song cenj laeuj fiz.
Caenq di mwngz ai meuj.
脚
Gvuenj guh bak hamq lai.
Aiq dwg ngaiz gou couj.
Doengh yiengh neix di yah.
Diuqyahmaj goh bih.
女
Bohda gou hawj ngaenz.
Mbouj ngeix daengz vij sij.
Gya caet gungz bat gyiq.
Ywngz lij mbouj rox haemz.
脚
Gou caiq mbouj haq daeuj.
Mwngz baenz yaeuq fan saen.
Cingj goq muenx laj mbwn.
Mbouj miz vunz hawj ciq.
男
Eiq de gungz cix gungz.
Mbauq ndei vunz cungj daeuj.
Boh mwngz miz cix byouq.
Fouq cix fouq faenh de.
脚
Gou ra dax daih ngeih.
Hajsaij oiq gvaq mwngz.
Gag haenh dai haenh ndeu.
Luj ma meuz ok nyouh.
女
Dangq caen daeg gojliz.
Cungj gauhgiz di lwg.
Vaiq di hai dou rug.
Gyienj baubug caenh deuz.
脚
Mbouj aeu naj bux yah.
Cingh coenz vah mbouj si.
Doengh yiengh neix di gya.
Suenq gwxma bwn swt.
男
Deuz gou ngangz mbouj gai.
Gouj mwngz gvai guenj fouz.
Ging gyienz youq ngoj couj.
Mwngz deuz haeuh fwj heu.
脚
Daeg gou gaem hoengz mingh.
Byawz gangj ginq mbouj ngaiz.
Mwngz cij gawq bae ma.
Bwk dai da soengq daeuj.
女
Funghgienq dingh hun yien.
Gou fuz gyien yangj couq.
Mwngz gangj gaenh heiq haeux.
Gou mbouj yaeuq bae law.
脚
Yiuz doek daemz bienq gungq.
Sau doek rungh hoilenz.
Ienq cix ieng goh da.
Goj laep da dwk daeuj.
男
Rap bongx long cag rae.
Sawq guh bae ha ndek.
Mbouj goq baez dox vek.
Youh raen leg youq law.
脚
Seuq vunz nganq boux yah.
Dox cup naj cix gyaez.
Gaeq doxdoj lwed hoengz.
Aeu nge cong ma gek.
女
Raen gij singq heiq mwngz.
Ngaeix seiq vunz hoj gvaq.
Hai bak diuq yah maj.
Gaej guh gyaj sim ndei.
脚
Ca saek di caeuh fok.
Damj youq rog cungj gwn.
Gou gangj baenz mbouj baenz.
Caez coenz haem vit dah.
男
Ciengx max rox heiq max.
Mbouj suenq daih vaenq diz.
Gyienjdauj naeuz mwngz nyi.
Gou cuk fiz do daex.
脚
Daih caez mbouj dox cwng.
Gou doiq mwngz mbouj gvaq.
Maix mingz gangj ok daeuj.
Sienz dem houq vaenq diz.
女
Gou dawz ngaenz ma saed.
Goj naengz caeg rwz gon.
Deq raeuz bae guh hong.
Geuh dou maenz daeuj couj.
脚
Bohda raeuz mbouj gyae.
Mwngz guenj bae saek caenq.
Gangj coenz laux saed vah.
Caez bae naj dox son.
男
Bux law gauj vaih saeh.
Youh mbouj ndaej mbwn raen.
Daih caez siu yangh buenz.
Byawz caeg ngaenz byajcek.
脚
Bonq ndaej cimh max laeuz.
Suenq daeg gou gaj gaeq.
Siwnq yak cung miz bauq.
Dingq boux laux gangj caen.
女
Doq byaj raez umxumx.
Caeuh gamjdungq dien dingz.
Cawj sazminz lwk sim.
Doq raen nginz ok daeuj.
脚
Famh cieh mbouj goj yungz.
Gingq yienz mbwn wngq.
Boux caeg daengz bak dou.
Mingh de couh gvi im.
男
Raemx doek loh raen rin.
Daih caez sim cungj langx.
Dawz bae boiz lauxbanj.
Caez souj cangq hingfuz.
脚
Guh lwg vunz hwnj daeuj.
Caez gouj Yauq rwgingh.
Heuh meh laux ma ran.
Caez an sim swnghcanj.
男(魏)
Sou doiq meh gingq cungq.
Gou gamj dungq dangq maz.
Ngaenz doi dawz bae ma.
Gouj faz gyah cifu.
脚
Caez yiengh Cou Gojliz.
Bae yozciz gvuenh cung.
Cawx vaiz cawx nungz giq.
Ndei guenjlij reih haz.
女
Do cih mwngz yienz vaiq.
Ngaenz boiz caiq mbouj aeu.
Ndei gvaq boh meh gou.
Cing couh raeuz it baiq.
脚
Mwngz suq hinz vaez loz.
Fangh mingz go swq haij.
Seng souh mwng lauxbanj.
Couq gaij fangq sim souz.
男(魏)
Di neix fuz soj vaeq.
Sou vuen heij bae ma.
Gaenz guenj leix reih naz.
Dawz aen gya gauj hwnj.
脚
Gvaqhouh miz gunqnanz.
Caiq daeuj cam cungj ndaej.
Gaenj ca diuz ginghci.
Cou fu hi yungz vaz.
女
Miz yiengh neix lwg bawx.
Saed mij gawq maz damz.
Ndaem faex muengh hwnj rang.
Caengj naengh ranz bauj muj.
脚
Bae naj ndaej vuen yungz.
Naix soih mbwn soengq hawj.
Gwn ndaej yiengh neix lwg.
Gwn cuk bienq baenz dang.
男
Heu meh ma daengz ranz.
Cenz gya dangz riu cex.
Dung fangz va cuz ye.
Mbouj hawj meh guh hong.
脚
Gaiq hing fuz uz bij.
Sim daek iq yangz yangz.
Gou dangq gai saiz langz.
Raeb mwngz Cangh siuj sej.
女
Haemh neix hoh donz yenz.
Vah cangz yiem ye duenj.
Gyah dingz doengz daj suenq.
Gvaq meij muenj swngh hoz.
脚
Caez doengz sim doengz eiq.
Gangj feihfeih diemzdiemz.
Goq swnghhoz diemz miz.
Daj senq di cix muengh.
口承文芸 